54:357  357  SUR  LA  SECONDE  A  TIMOTHEE.  358  charge  d'enseigner  les  autres  regardent  bien  a  eux:  car  quelques  habiles  qu'ils  soyent,  il  s'en  faut  beaucoup  qu'ils  approchent  de  sainct  Paul.  Puis  qu'ainsi  est  donc,  qu'ils  avisent  de  se  recommander  a  Dieu,  afin  qu'il  leur  face  la  grace  de  tousiours  avoir  plus  ample  cognoissance  de  sa  volonte,  pour  distribuer  aux  autres  ce  qu'ils  ont  receu.  Et  quand  ils  auront  fidelement  enseigne  tout  le  temps  de  leur  vie,  quand  se  viendra  a  la  mort  mesme,  qu'ils  desirent  encores  de  profiter,  pour  communiquer  a  leurs  prochains  ce  qu'ils  ont  cognu,  et  que  grans  et  petis,  et  les  docteurs,  et  le  commun  peuple  qui  doit  ouir,  et  les  sages,  et  les  idiots,  et  les  riches,  et  les  povres,  et  les  vieux,  et  les  ieunes:  que  tous,  par  ce  qui  nous  est  ici  monstre,  soyent  exhortez  de  tellement  profiter  tout  le  temps  de  leur  vie,  qu'ils  ne  se  lassent  iamais,  iusques  a  ce  qu'ils  ne  voyent  plus  en  partie  ni  en  un  miroir,  mais  qu'ils  contemplent  la  gloire  de  Dieu  face  a  face.  Or  nous-nous  prosternerons  devant  la  face  de  nostre  bon  Dieu,  etc.  TRENT1EME  SERMON.  Chap.  IV,  v.  14.22.  Il  semble  bien  de  prime  face  que  sainct  Paul  ait  este  ici  transporte  d'affection  trop  vehemente,  quand  il  demande  a  Dieu  qu'il  se  venge  d'Alexandre  le  forgeron:  car  a  l'opposite,  tant  s'en  faut  qu'il  se  soit  ainsi  esmeu  contre  ceux  qui  n'ont  point  fait  leur  devoir  pour  luy  aider,  que  plustost  il  prie  Dieu  qu'il  leur  pardonne.  On  diroit  qu'il  y  a  ici  deux  prieres  qui  ne  sont  point  convenables.  Voici  sainct  Paul  qui  parle  d'un  homme  lequel  luy  auroit  resiste:  il  parle  de  plusieurs  autres  qui  s'estoyent  monstrez  lasches  et  froids  a  maintenir  la  querelle  de  l'Evangile.  Or  du  premier  il  dit,  Que  Dieu  luy  rende  selon  ses  demerites^  que  Dieu  le  punisse  a  la  rigueur.  Et  c'est  autant  comme  s'il  disoit,  que  iamais  Dieu  ne  luy  soit  propice,  et  ne  luy  face  merci,  mais  qu'il  l'abysme  aux  enfers.  Des  seconds  il  dit  que  Dieu  en  ait  pitie:  combien  qu'ils  ayent  use  d'une  telle  trahison  et  desloyaute,  toutesfois  encores  que  Dieu  leur  pardonne  une  telle  offense.  Mais  quand  nous  aurons  bien  tout  considere,  nous  trouverons  que  sainct  Paul  a  este  esmeu  d'un  zele  pur  et  droit  contre  Alexandre  forgeron:  et  que  cependant  Dieu  l'a  aussi  gouverne,  afin  qu'il  se  moderast  envers  les  autres,  encores  qu'ils  n'en  fussent  point  dignes.  Mais  pour  mieux  comprendre  le  tout,  notons  en  premier  lieu  que  cest  Alexandre  forgeron  (ou  un  fondeur  de  cuivre)  dont  il  parle,  avoit  du  commencement  monstre  grand  signe  de  Chrestiente,  en  sorte  qu'on  Pestimoit  des  plus  avancez.  Or  il  ne  se  contente  point  de  tourner  sa  robbe  (comme  on  dit),  mais  il  se  declare  ennemi  manifeste  de  l'Evangile,  et  combat  contre  la  verite  de  Dieu  tant  qu'il  peut,  et  est  mene  d'une  telle  rage,  qu'il  est  la  partie  adverse  de  sainct  Paul  pour  batailler  contre  luy.  Car  il  n'est  point  question  ici  d'infir-