52:357  357  CAPUT  L  358  quod  Paulus  commendat,  ut  similior  sit  augurum  vel  aruspicum  aenigmatibus  quam  doctrinae  ex  Dei  verbo  sumptae.  Quid  enim,  obsecro,  Paulinum  resipiunt  omnes  scholasticorum  libri?  Haec  adulterandae  doctrinae  licentia  ostendit  quam  non  abs  re  Paulus  ad  nativam  formam  retinendam  Timotheum  invitet.  Et  sanos  sermones  opponit  non  tantum  dogmatibus  palam  impiis,  sed  frigidis  quaestionibus,  quae  pro  sanitate  nihil  aliud  quam  languorem  afferunt.  In  fide  et  caritate.  Scio  particulam  ev  saepenumero  ex  phrasi  linguae  hebraicae  sumi  pro  cum:  sed  hic  alia  mihi  videtur  significatio.  Si  quidem  hanc  quasi  notam  adscripsit  Paulus  sanae  doctrinae,  ut  sciamus  quid  contineat,  et  quae  sit  eius  summa:  quam  totam  suo  more  ad  fidem  et  caritatem  revocat.  Et  utramque  constituit  in  Christo:  ut  certe  eius  cognitio  duobus  his  membris  praecipue  constat.  Tametsi  enim  est  articulus  singularis,  qui  cohaeret  cum  caritatis  nomine:  idem  tamen  de  fide  subaudiendum  est.  Qui  vertunt  cum  fide  et  caritate,  hunc  faciunt  sensum,  ut  Timotheus  sanae  doctrinae  adiungat  pietatis  et  caritatis  affectum.  Fateor  quidem  neminem  posse  in  sana  doctrina  fideliter  perseverare,  nisi  qui  vera  ipse  fide  et  sincera  caritate  praeditus  est.  Verum  prior  expositio  (meo  iudicio)  melius  quadrat:  ut  Paulus  exegetice  exprimat  quales  sint  illi  sermones,  et  cuius  sint  argumenti.  Summam  autem  in  fide  et  caritate  sitam  esse  pronuntiat:  quarum  fons  ac  principium  est  Christi  cognitio.  14.  Egregium  depositum  custodi.  Latius  patet  ista  exhortatio.  Hortatur  enim  ut  respiciat  quid  sibi  datum  sit  a  Deo,  et  tanto  plus  studii  et  diligentiae  impendat,  quanto  excellentius  est  depositum.  Neque  enim  rei  vulgaris  tam  severe  solet  exigi  ratio.  Ac  depositi  quidem  nomine  tam  ministerii  honorem  quam  dotes  omnes  intelligo,  quibus  instructus  erat  Timotheus.  Alii  ad  ministerium  solum  restringunt:  atqui  potissimum  ea  notari  puto  quae  ipso  ministerio  potiora  erant,  nempe  omnia  spiritus  dona  quibus  excellebat.  Nomen  depositi  alio  quoque  respectu  usurpat,  ut  meminerit  Timotheus  reddendam  aliquando  esse  rationem.  Fideliter  enim  administrandum  est  quidquid  nobis  commisit  Deus.  Et  TO  xaXov  pro  eximio  vel  praeclaro  capitur.  Itaque  non  male  Erasmus  egregium  posuit,  notandae  praestantiae  causa:  quam  versionem  sequutus  sum.  Sed  quae  est  custodiendi  ratio?  Ne  scilicet  inertia  nostra  pereat  quod  in  nos  Deus  contulit:  vel  propter  ingratitudinem  vel  abusum  auferatur.  Multi  enim  abiiciunt  Dei  gratiam,  multi  ea  iam  accepta  se  privant  ac  spoliant.  Quoniam  tamen  eius  custodiae  difficultas  vires  nostras  superat,  ideo  adiicit,  per  s  p  i  r  i  t  um  sanctum.  Ac  si  diceret:  Non  requiro  abs  te  plus  quam  possis.  Nam  quod  ex  te  non