5:357  CATECHISMUS.  deest.  Quidquid  autem  fecit  et  passus  est  in  redemptionem  nostram  Christus,  extra  controversiam  verum  esse  ducimus:  quemadmodum  in  symbolo  perscriptum  habemus:  Credo  in  Deum  patrem  omnipotentem,  ete.  IUSTITIA  IN  CHRISTO.  Quare  haec  a  Deo  patre  beneficia  nobis  in  Christo  collata  esse  recognoscimus.  Primum  quod  quum  natura  inimici  Deo  essemus,  iudicio  ipsius  et  irae  obnoxii,  reconciliati  illi  sumus,  atque  in  gratiam  recepti  intercedente  Christi  innocentia  atque  iustitia,  per  quam  remissionem  peccatorum  obtinemus:  ac  sanguinis  eius  effusione,  per  quam  abluti  sumus  et  maculis  omnibus  purgati.  REGENERATIO  IN  CHRISTO.  Deinde  quod  per  spiritum  eius  in  novam  ac  spiritualem  naturam  regeneramur,  dum  scilicet  [pag.  55]  pravae  nostrae  carnis  cupiditates  eius  gratia  mortificantur,  ne  posthac  in  nobis  regnent.  Rursum  divinae  voluntati  nostra  conformatur,  quo  placere  per  omnia  Deo  ac  obsequi  studeat.  Atque  ita,  quod  per  ipsum  a  peccati  servitute  vindicamur,  in  qua  detinemur,  quantum  ad  naturam  nostram  attinet,  captivi:  cuius  liberationis  beneficio  obtinemus,  ut  ad  bona  opera  simus  idonei.  CONDONATIO  IMPERFECTIONIS  PERPETUA.  Porro  talis  est  haec  regeneratio,  ut  donec  corpore  isto  mortali  exonerati  fuerimus,  plurimum  semper  imperfectionum  et  infirmitatum  in  nobis  supersit.  Unde  intelligimus,  nos  etiamnum  miseros  esse  peccatores,  ac  tametsi  novos  in  dies  progressus  in  iustitia  Domini  facere  nos  decet,  nunquam  tamen  ad  perfectionem  aut  plenitudinem  venitur,  quamdiu  in  carcere  carnis  nostrae  habitamus.  Proinde  semper  necessaria  est  nobis  misericordia  Domini  ad  obtinendam  delictorum  et  lapsuum  veniam.  Unde  sequitur,  quaerendam  semper  nobis  esse  in  Christo  iustitiam  nostram,  non  apud  nos,  atque  abiecta  operum  fiducia,  securitatem  in  ipso  nostram  oportere  acquiescere.  QUIDQUID  BONI  HABEMUS,  A  GRATIA  DEI  ESSE.  Ergo  quo  laus  omnis  et  gloria  ad  Deum  referatur,  quemadmodum  illi  iure  deberi  palam  est,  quo  etiam  veram  pacem  et  quietem  conscientiae  nostrae  consequantur,  quae  supra  commemoravimus  beneficia,  intelligimus  nobis  ex  mera  clementia