49:357  357  CAPUT  III.  358  promisit  bonis  architectis,  quorum  probatus  fuerit  labor.  Optime  igitur  quadrat  secundi  membri  antithesis,  frustratum  iri  sperata  laude  qui  stipulam,  vel  lignum,  vel  paleam  permiscuerint.  Ipse  autem  salvus  fiet,  ete.  Paulum  de  iis  loqui  constat,  qui  retento  semper  fundamento  foenum  auro,  stipulam  argento,  lignum  lapidibus  pretiosis  admiscent:  nempe  qui  in  Christo  aedificant,  sed  propter  carnis  imbecillitatem  patiuntur  aliquid  humanum,  aut  per  ignorantiam  nonnihil  ab  exacta  verbi  Dei  puritate  deflectunt.  Quales  etiam  fuerunt  multi  ex  sanctis,  Cyprianus,  Ambrosius,  Augustinus,  et  similes:  adde  etiam  si  libet,  ex  recentioribus,  Gregorium  et  Bernardum,  aliosque  eius  notae,  qui,  quum  haberent  hoc  propositum  ut  in  Christo  aedificarent,  a  recta  tamen  aedificandi  ratione  saepe  aberrarunt.  Tales  dicit  Paulus  salvos  fieri  posse,  sed  hac  lege,  si  Dominus  eorum  ignorantiam  absterserit,  et  repurgaverit  eos  ab  omni  sorde.  Atque  hic  sensus  est  istius  particulae  quasi  per  ignem.  Vult  ergo  innuere,  se  illis  non  adimere  spem  salutis,  modo  libenter  faciant  iacturam  operis  et  Dei  misericordia  repurgentur,  quemadmodum  aurum  excoquitur  in  fornace.  Porro  tametsi  purgat  interdum  suos  Deus  afflictionibus:  hic  tamen  ignis  nomine  spiritus  examen  intelligo,  quo  Dominus  suorum  ignorantiam,  qua  ad  tempus  fuerint  detenti,  corrigit  et  abolet.  Scio  quidem  multos  ad  crucem  referre:  verum  meam  interpretationem  sanis  omnibus  iudiciis  placituram  confido.  Restat  ut  papistis  obiter  respondeamus,  qui  ex  hoc  loco  nituntur  adstruere  purgatorium  :  transeunt  per  ignem  peccatores,  quibus  ignoscit  Deus,  ut  salvi  fiant.  Ergo  solvunt  ita  poenas  Deo,  ut  satisfiat  iudicio  eius.  Omitto  infinita  eorum  commenta  de  poenarum  modo  et  redemptione.  Sed  quaero  quinam  per  ignem  transeant.  Paulus  certe  de  solis  ministris  loquitur.  Eadem,  inquiunt,  omnium  est  ratio.  Eius  vero  rei  non  nostrum  est,  sed  Dei  iudicium.  Verum  hoc  quoque  concesso,  quam  pueriliter  in  ignis  nomine  impingunt  ?  Quorsum  enim  ignis,  ni&i  ad  ioenuin  et  paleam  consumendam:  aurum  autem  et  argentum  probandum?  An  igne  sui  purgatorii  discerni  doctrinas  volunt?  Quis  inde  unquam  didicit,  quid  differat  verum  a  iaiso?  Quando  etiam  erit  dies  ille,  qui  lucebit  ad  manifestandum  cuiusque  opus?  an  ab  initio  mundi  coepit,  et  absque  intervallo  durabit  usque  in  finem?  Si  figura  est  in  vocabulis  stipulae,  foeni,  auri,  argenti,  sicuti  necesse  est  concedant  :  qualis  erit  membrorum  congruentia,  si  in  ignis  nomine  nihil  erit  figuratum?  Facessant  ergo  tam  frivolae  ineptiae,  quae  prima  statim  fronte  absurditatem  suam  produnt.  De  genuino  enim-apostoli  sensu  satis  iam  constare  arbitror.  16.  An  nescitis  quod  templum  Dei  estis  et  spiritus  Dei  habitat  in  vobis?  17.  Si  quis  templum  Dei