41:357  357  SUR  LE  V.  CHAP.  DE  DANIEL.  358  (comme  il  semble)  que  sera  ce  quand  il  besongnera  devant  nos  yeux?  Quand  un  pere  verra  quelque  tesmoignage,  du  iugement  de  Dieu,  en  la  personne  de  son  enfant,  quand  l'enfant  en  verra  autant  au  pere,  le  mari  en  la  femme,  ou  la  femme  au  mari,  d'autant  que  ces  punitions  la  sont  plus  prochaines,  ne  doit  on  pas  mieux  y  penser?  Ainsi  donc  Daniel  reproche  a  Balsazar,  quaiant  conneu  Dieu,  avoir  humilie  son  grand  Pere  Nabuchodonozor,  toutesfois  qu'il  l'ha  ensuivi  et  y  a  continue,  toy  (dit  il)  connoissant  toutes  ces  choses  as  esleve  ton  coeur,  et  ne  l'as  point  abaisse  pour  donner  gloire  a  Dieu,  plustost  tu  as  loue  tes  Dieux  d'or  et  d'argent,  et  de  bois,  et  de  pierre,  et  ce  pendant  tu  as  mesprise  celuy  qui  tenoit  ta  vie  en  sa  main,  ainsi  donc  il  ni  ha  plus  nulle  excuse  pour  toy,  c'est  a  bon  droit  que  Dieu  te  chastie  comme  incorrigible,  car  s'il  y  eust  eu  quelque  correction  en  toy,  il  failloit  bien  que  cela  te  profitat,  mais  tu  fes  esleve  contre  Dieu.  Ne  faut  il  pas  donc  qu'il  te  punisse  comme  un  homme,  ou  il  ni  ha  plus  d'attente  ?  Voila  en  somme  ce  qui  est  ici  dit  par  le  prophete.  Or  il  est  vray,  que  les  plus  iustes  ne  pourront  pas  eviter  la  main  de  Dieu,  qu'ils  ne  soient  chasties  a  bon  droit,  mais  tant  y  ha5  que  si  Dieu  nous  a  fait  cette  grace  de  nous  advertir,  qu'il  nous  ait  monstre  comme  a  loeil,  que  nous  ne  devons  pas  demourer  incorrigibles  si  nous  continuons  a  mal  faire,  que  nous  soions  endurcis  et  obstines,  ne  faut  il  pas  dire  que  nous  luy  resistions  a  nostre  escient.  Celui  qui  peche  par  ignorance  (comme  il  semble)  pourra  bien  dire  qu'il  ne  veut  point  estre  rebelle  a  Dieu.  Mais  tant  y  ha  que  ce  n'est  que  mensonge  et  ypochrisie,  car  quelle  ignorance  se  trouvera  en  l'homme  quel  qu'il  soit,  quand  il  sera  sonde  a  bon  escient?  Dira  on  que  celuy  qui  n'a  point  conneu  la  volonte  de  Dieu,  lequel  l'aura  fait  par  nonchalence,  par  mespris,  par  orgueil,  qu'il  aura  mieux  aime  se  flater  en  ses  vices,  que  de  bien  regarder  a  ses  voies?  plustost  on  dira  que  celuy  est  ignorant,  qui  s'en  ira  comme  une  pauvre  beste,  sans  regarder  a  soy,  ni  a  ce  qui  est  propre  pour  son  salut,  mais  celuy  qui  aura  este  enseigne  de  Dieu,  qui  verra  le  chemin  tout  fait,  et  qui  s'en  destourne,  il  est  certain  qu'il  resiste  a  Dieu,  comme  s'il  le  vouloit  despiter.  Nous  voions  donc  qu'un  homme  est  du  tout  perdu  et  desespere,  quant  il  aura  este  enseigne,  et  ce  pendant  que  cela  ne  luy  proffite  rien,  mais  qu'il  fait  tout  ainsi  comme  si  iamais  n'avoit  rien  conneu.  Notons  bien  doac  ce  passage  ici,  car  combien  que  ce  soit  un  vice  execrable  par  trop,  que  d'une  telle  rebellion,  qui  vient  d'une  malice  deliberee,  si  est  ce  toutesfois  que  nous  en  sommes  quasi  tous  entaches,  il  y  en  ha  bien  peu  qui  en  soient  purs  et  innocens,  il  est  vray  qu'on  en  trouvera  beaucoup  au  monde  qui  auront  eu  asses  de  doctrine,  pour  y  estre  instruis,