25:357  357  REDITUS  AD  HISTORIAM.  358  1.  Muscultate  coeli.  Magnifice  praefatur  Moses,  ne  populus  canticum  qua  solebat  superbia  fastidiat,  vel  etiam  severis  obiurgationibus  probrisque  exacerbatus  respuat.  Scimus  enim  ut  mundus  naturaliter  appetat  sibi  delitias  fieri,  nec  ulla  sit  dulcis  cantilena  nisi  quae  aures  laudibus  titillat  ac  demulcet.  Hic  autem  non  modo  acriter  invehitur  Moses  in  vitia  populi,  sed  quanta  potest  vehementia  perversam  eius  naturam,  corruptissimos  mores,  obstinatam  ingratitudinem,  et  perditam  contumaciam  exagitat.  Adde  quod  haec  probra,  quibus  detestabile  reddebat  eorum  nomen,  voluit  quotidie  resonare  in  ipsorum  linguis:  unde  magis  accendebatur  offensio.  Necesse  ergo  fuit,  eorum  proterviam  velut  iniecto  fraeno  compesci,  quo  patienter  et  modeste  iustas  reprehensiones  quamlibet  asperas  susciperent.  Ergo  si  repudient  vel  surdis  auribus  praetereant  hoc  canticum,  praefatur  coelum  et  terram  adeo  prodigiosae  socordiae  fore  testes:  imo  sermonem  ad  coelum  et  terram  convertens,  significat  dignum  esse  ad  quem  attentae  sint  creaturae  omnes,  quae  tamen  intelligentia  et  sensu  carent.  Est  enim  hyperbolica  loquutio,  dum  brutis  elementis  partes  audiendi  et  docilitatem  tribuit:  sicuti  Isaias  exprimere  volens  nullos  se  reperire  discipulos  in  toto  populo,  coelum  et  terram  similiter  appellat:  imo  citat  nefandi  prodigii  testes:  quia  minus  sit  intelligentiae  in  toto  populo  quam  in  bobus  et  asinis  (Isa.  1,  2).  Nimis  vero  dilutum  est  quod  interpretes  quidam  has  voces  metonymice  accipiunt  pro  angelis  et  hominibus.  2.  Stillabit  ut  pluvia.  Futurum  tempus  resolvunt  quidam  perperam  (meo  iudicio)  in  modum  optandi,  quia  foecunditatem  potius  quae  a  spiritu  sancto  suggeritur,  ad  doctrinae  commendationem  splendido  hoc  elogio  celebrat  quam  sibi  dari  postulet:  et  lectores  satis  animadvertunt,  votum  hic  minime  fuisse  tempestivum.  Sermonem  ergo  suum  pluviae  aut  rori  comparat:  ac  si  diceret,  modo  populus  molli  et  subactae  terrae  similis  sit,  doctrinam  se  proferre  quae  eos  ad  plenam  foecunditatem  irriget.  Porro  tametsi  peculiare  xar  *%oxqv  cantico  est  elogium,  extenditur  tamen  ea  vis  et  facultas  ad  totam  coelestem  doctrinam  :  quia  nunquam  loquitur  Deus  quin  homines  fructuosos  reddat  ad  bona  opera,  non  secus  ac  pluvia  succum  et  vigorem  terrae  instillans,  eam  ad  fructus  gignendos  foecundat.  Sed  quemadmodum  rupes  et  saxa  nihil  humoris  vel  ex  largissima  pluvia  concipiunt,  ita  multis  obstat  sua  pervicacia  ne  spirituali  irrigatione  fertiles  reddantur.  Quare  Moses,  si  doctrina  huius  cantici  inutilis  effluat,  oblique  culpam  reiicit  in  Israelitas.  3.  Quia  nomen  Iehovae.  Significat  his  verbis,  si  qua  sit  in  Israelitis  pietatis  gutta,  edendum  esse  eius  specimen  in  amplexando  sermone,  in  quo  re-