8:356  Deus  hominum  manus,  nunc  ligatas  teneat,  nunc  flectat  huc  et  illuc  ad  exsequendum  [pag.  181]  quod  statuit,  quicunque  mediocriter  in  scriptura  exercitati  sunt,  non  vocabunt  in  controversiam.  Imo  communi  fere  omnium  sensu  receptum  est,  quidquid  moliantur  homines,  eventum  in  manu  Dei  esse.  Hed  quia  in  tam  densa  humanae  mentib  caligine  perquam  tenuis  et  fere  evanida  est  illa  cognitio,  scriptura  altiorem  nobis  speculam  aedificat,  e  qua  Deum  contemplemur  omnia  hominum  opera  sic  moderantem,  ut  in  finem  a  se  destinatum  applicet.  Summa  autem  huc  redit:  Quamvis  homines,  ut  indomitae  bestiae  nullisque  vinculis  coercitae,  lasciviant:  arcano  tamen  fraeno  gubernari,  ut  ne  digitum  quidem  movere  queant,  nisi  ad  exsequendum  Dei  magis  quam  suum  opus.  Nam  fideles,  qui  spontaneum  illi  obsequium  impendunt,  non  secus  atque  angeli,  manus  eius  censendi  sunt.  Quare  eos  potissimum  hic  commemoro,  quibus  nihil  minus  propositum  est,  quam  habere  quidquam  vel  consilio  Dei  affine,  vel  consentaneum  eius  voluntati.  Ac  sibi  quidem,  quasi  votorum  compotes,  plaudunt  impii.  l)  Sed  res  tandem  comprobat,  per  ipsos,  licet  inscios  ac  nolentes,  quod  divinitus  ordinatum  fuerat,  esse  impletum.  Porro  Deus  ipse  nunc  impiis,  ad  punienda  hominum  peccata,  tanquam  flagellis  utitur:  nunc,  quasi  obtorto  collo  eos  traheret,  beneficentiae  suae  ministros  [pag.  182]  esse  cogit.  Prioris  membri  exempla  colligere,  immensi  operis  foret.  Pauca  tantum  attingere  praestiterit.  Postquam  Deus  Assyrium  ad  bellandum  incitans  virgam  furoris  sui  vocavit  (Iesa.  10,  5),  nec  alio  quam  irae  suae  baculo  armatum  esse  docuit:  postea  in  eius  superbiam  invehitur:  quod  se  non  agnosceret  veluti  securim  vel  serram  aliunde  agitatam.  Hac  ratione  et  sanctificati  a  Deo,  et  conductitii  eius  milites  dicuntur,  et  operam  illi  navare,  quos  ambitio  alioqui  sua,  et  crudelitas,  et  avaritia  impellit:  et  Dominus  vicissim  sibilo  vel  classico  se  eos  ad  arma  vocare  testatur.  Divinae  beneficentiae  viam  parari  hominum  maleficiis,  vel  unus  Moysis  locus  satis  clare  demonstrat.  Plus  quam  scelerata,  perfida  et  crudelis  fuerat  conspiratio  fratrum  Ioseph,  quum  eum  venderent.  Atqui,  in  Deum  transscribit,  sed  alio  respectu,  venditionis  huius  causam:  Non  vos  estis,  sed  Dominus  qui  me  praemisit,  ut  vos  alerem  (Gen.  45,  5).  Constat  ergo,  quum  impie  agerent,  per  eos  tamen  operatum  esse  Deum,  ut  vitam  in  morte  invenirent.  Quantum  in  ipsis  erat,  occiderant  fratrem.  Inde  illis  vita  affulget.  Idem  in  scelerum  omnium  principe  et  impiorum  capite  Satana  perspicere  est.  Eum  Deus  ad  decipiendum  Achab  cum  hoc  mandato  di-  1)  Add,  comme  s'ils  avoient  vaincu  Dieu  et  qu'ils  fussent  maistres  de  tout.