7:356  Mais  on  voit  puis  apres  a  quoy  il  tend,  c'est  a  l'Esprit  double  des  Libertins.  Car  il  dit  qu'Abraham  en  mentant  a  este  conduit  de  l'Esprit  de  verite,  pource  qu'il  pouvoit  mentir  aux  ignorans.  Enquoy  il  blaspheme  contre  Abraham  et  contre  Dieu:  car  il  n'est  pas  vray  qu'Abraham  ait  menty,  c'est  a  dire  qu'il  ait  dit  quelque  chose  a  son  esciant  contre  la  verite.  Faire  le  mensonge  licite  pour  tromper  les  ignorans,  c'est  blasphemer  contre  Dieu,  duquel  l'office  est  perdre  et  destruire  tous  menteurs  (Ps.  5,  7).  Il  a  souvent  en  la  bouche  mortification,  [page  216]  comme  ont  les  Libertins:  mais  entendez  quelle  est  sa  mortification  dont  il  parle,  comme  il  se  declaire,  que  si  un  homme  entend  que  Dieu  face  tout,  qu'il  sera  puis  apres  alloue  en  tout  ce  qu'il  fait.  1)  Car,  moyennant  qu'un  homme  dise:  Ie  ne  puis  rien,  il  a  conge  de  faire  tout  ce  que  bon  luy  semblera.  Brief,  sa  mortification  est  de  ne  plus  cognoistre  ne  bien  ne  mal,  mais  se  laisser  mener,  et  puis  dire  que  tout  va  bien,  car  Dieu  l'a  fait.  Car,  comme  i'ay  desia  declaire  cy  dessus,  il  ne  cognoist  autre  repentance  pour  amener  l'homme  a  perfection,  que  de  confesser  que  Dieu  fait  tout,  qu'il  cognoist  tout,  et  qu'il  est  seul  iuste.  Il  dit  que  tout  le  reste  est  superflu  et  mesme  damnable.  Sur  laquelle  querele  il  faut  qu'il  debatte  avec  sainct  Paul,  qui  se  compleint  de  ceux  qui  n'ont  point  fait  de  penitence  de  leur  souillure,  paillardise  et  impudicite  qu'ilz  avoient  commise  (2  Cor.  12,  21).  Que  dira  il,  sinon  que  sainct  Paul  n'estoit  point  assez  profond  Theologien  pour  luy?  Mais  il  allegue  que  la  gloire  de  Dieu  consiste  en  ces  trois  choses.  Et  que  sera  ce  donc  de  sa  bonte  et  misericorde,  laquelle  est  nommee  gloire  par  excellence  (Ephes.  1,  14)?  Quand  Dieu  dit  par  Hieremie  (9,  22  ss.)  qu'il  nous  faut  glorifier  en  sa  cognoissance,  il  adiouste  qu'il  veut  estre  cogneu,  et  la  il  [page  217]  met  iugement  et  misericorde,  plustost  que  sagesse  et  vertu.  Nous  lisons  les  titres  qu'il  s'attribue  en  ceste  grande  revelation  et  authentique  qu'il  donna  de  sa  divinite  a  Moyse  (Exod.  C4,  6).  La  nous  ne  voyons  point  ceste  trinite  que  nous  forge  ce  phantastique  ;  mais  Dieu  est  glorifie  en  sa  misericorde  et  clemence,  en  sa  pitie,  patience  et  verite.  Il  dira  que  tout  revient  a  ces  trois.  Mais  pourquoy  a  ces  trois  plustost  qu'a  quatre?  Y  a  il  rien  plus  propre  a  Dieu  que  Verite?  Ou  est  ce  qu'il  monstrera  que  Dieu  est  nomme  vertu,  sagesse  ou  iustice,  comme  il  est  nomme  Charite  par  sainct  Iean  (1  Iean  4,  8)?  On  voit  donc  qu'il  obscurcist  et  restreint  la  gloire  de  Dieu,  quand  il  l'enclost  en  ces  trois  choses,  contre  la  doctrine  de  l'Escriture.  Ce  sont  petites  subtilitez  1)  ratum  deinceps  erit  quidquid  aget.