6:356  mus,  esse  perseverantiam  usque  ad  finem.  Nam  quum  dicit:  Timorem  meum  dabo  in  corda  eorum  (Ier.  32,  40),  quid  aliud  est,  quam  tantus  ac  talis  erit  timor  quem  dabo,  ut  mihi  perseveranter  adhaereant?  Ad  haec,  quum  ubique  doceat,  liberum  in  primo  homine  arbitrium,  quum  salvum  adhuc  et  incolume  staret,  nihil  tamen  valuisse  sine  gratia:  post  casum,  inquit,  1)  non  nisi  ad  suam  gratiam  voluit  Deus  pertinere,  ut  homo  accedat  ad  eum;  nec  nisi  ad  suam  gratiam  pertinere  voluit,  ut  homo  non  recedat  ab  eo.  Item:2)  Unde  ostenditur,  et-inchoandi,  et  usque  in  finem  perseverandi  gratiam  non  secundum  merita  nostra  dari,  sed  donari  secundum  ipsius  secretissimam,  eandemque  iustissimam,  beneficentissimam,  sapientissimam  voluntatem.  Item:3)  Haec  sunt  dona  Dei,  quae  dantur  electis,  secundum  Dei  propositum  vocatis:  in  quibus  donis  est  et  incipere  credere,  et  usque  ad  finem  perseverare.  Ita  concludit,  gratiam  sanctis  esse  omne  meritum.  Our  ergo  mihi  irascitur  Pighius,  si  Augustini  patrocinio,  quod  mihi  tam  liberaliter  offert,  utor?  4)  Hoc  postremo  illum  male  habet,  quod  a  regeneratione  fidelem  animam  in  duas  divisam  esse  partes  affirmo:  ac  quoties  huius  facit  mentionem,  me  imaginari  aut  somniare  dicit.  Haec  enim  hodie  Roinanensium  est  theologia,  fabulosum  ducere,  quo  nihil  familiarius  homini  christiano  cognitum  esse  debet.  Sed  quoniam  nihilo  plus  spiritualis  experientiae  habent  huiusmodi  homines,  quam  bruta  animalia,  saltem  ad  os  Pighio  obstruendum  valeat  Pauli  autoritas.  Quum  dubium  esse  non  debeat,  quin  septimo  ad  Komanos  capite  imaginem  depinxerit  hominis  regenerati,  videamus  an  non  illud  ipsum  quod  dico  eo  loco  ad  vivum  repraesentet.  Communem  ergo  fidelium  captivitatem  in  sua  persona  deplorat,  [pag.  172]  quod  velit  quidem  bonum  et  appetat,  sed  perficere  non  inveniat;  quod  mente  consentiat  legi  Dei,  carne  autem  legi  peccati;  ita  non  faciat  bonum  quod  diligit,  sed  potius  malum  quod  odit.  Vides  consentientem  iustitiae  voluntatem.  Unde  igitur  impedimentum,  quominus  sequatur  effectus?  Non  aliunde  certe,  quam  ex  contrario  desiderio.  Unde  porro  desiderium  illud,  nisi  quod  veteris  hominis  reliquiae  in  eo  habitant,  quae  luctantur  adversus  spiritum?  Dixerat  enim  capite  sexto,  veterem  hominem  per  crucem  Christi  mortuum  esse;  postea  autem  subiicit,  non  ita  esse  mortuum,  quin  certamen  adhuc  et  molestiam  facessat.  Nunc  per  veterem  hominem  quid  intelligat,  ex  aliis  locis  colligitur,  ubi  mente  et  corde  renovari  nos  ad  Dei  imaginem  iubet.  Proinde  veteris  hominis  pars  est,  et  sub  hoc  nomine  continetur,  quidquid  extra  1)  Cap.  7.  2)  Cap.  13.  3)  Cap  17  4)  De  corrept,  et  grat.  cap.  7.