52:356  gerere,  Deum  non  posse,  vel  impediri  quominus  impleat  quod  promisit  (quoniam  a  tanta  in  Deum  blasphemia  sensus  noster  abhorret),  sed  oculos  mentesque  nostras  praeoccupando,  sensum  omnem  divinae  potentiae  adimit.  Purgatum  igitur  animum  esse  oportet,  qui  non  modo  eam  gustat,  sed  eius  gustum  inter  quasvis  tentationes  retinet.  Caeterum  de  potentia  Dei  quoties  loquitur  Paulus,  actualem  (ut  sit  dicam)  intellige:  vel  ev��pYoi)(xavr]v,  quemadmodum  ipse  alibi  vocat  (Coloss.  1,  29).  Fides  enim  Dei  virtutem  cum  verbo  semper  coniungit,  quod  non  procul  imaginatur,  sed  intus  conceptum  habet  ac  possidet.  Ita  Rom.  4,  20,  de  Abraham,  Non  haesitavit  nec  disceptavit,  sed  dedit  gloriam  Deo,  certo  persuasus  quod  qui  promiserat,  potens  esset  etiam  implere.  Observa  etiam  nomen  depositi  pro  vita  aeterna.  Nam  inde  colligimus,  non  aliter  in  manu  Dei  salutem  nostram  esse,  ac  sunt  in  manu  depositarii  quae  ipsius  fidei  custodienda  tradimus.  Si  penes  nos  esset  salus  nostra,  quot  assidue  periculis  exposita  foret  ?  Nunc  vero  bene  est,  quod  apud  talem  custodem  reposita  omni  discrimine  est  superior.  13.  Formam  habe  sanorum  sermonum,  quos  a  me  audisti  in  fide  et  caritate,  quae  est  in  Christo  Iesu.  14.  Egregium  depositum  custodi,  per  spiritum  sanctum  qui  inhabitat  in  nobis.  15.  Nosti  hoc  quod  aversati  me  fuerint  omnes  qui  sunt  in  Asia:  quorum  sunt  Phygellus  et  Hermogenes.  16.  Det  misericordiam  Dominus  Onesiphori  familiae:  quoniam  saepe  me  refocillavit,  et  de  catena  mea  non  erubuit:  17.  sed  quum  esset  Bomae,  studiosius  quaesivit  me,  et  invenit.  18.  Det  ei  Dominus  ut  inveniat  misericordiam  apud  Dominum  in  die  illo.  Ut  quam  multa  mihi  Ephesi  ministraverit,  melius  tu  nosti.  13.  Formam  habe.  Quod  alii  exponunt,  doctrina  tua  sit  veluti  exemplar  ad  quod  alii  se  forment,  non  recipio.  Nihilo  etiam  propius  accedit  ad  Pauli  mentem  expositio  Chrysostomi,  ut  habeat  in  promptu  Timotheus  virtutum  imaginem  cordi  suo  insculptam,  ex  Pauli  doctrina.  Mihi  potius  videtur  praecipere  apostolus  Timotheo,  ut  tenax  sit  doctrinae  quam  didicit,  non  modo  quod  ad  substantiam,  sed  etiam  quod  ad  figuram  ipsam  orationis.  Nam  \)noT\)TZtuG:cr  quod  verbum  hic  usurpat,  est  viva  rerum  expressio,  ac  si  oculis  praesentes  subiicerentur.  Sciebat  Paulus  quam  proclivis  sit  a  pura  doctrina  vel  lapsus,  vel  deflexio.  Hanc  ob  causam  sollicite  cavet  ne  declinet  Timotheus  ab  ea  docendi  forma  quam  acceperat:  suamque  docendi  rationem  quasi  ad  illud  praescriptum  exigat:  non  quod  in  verbis  tanta  sit  religio,  sed  quia  supramodum  noxia  est  doctrinae  vel  minima  deformatio.  Hinc  apparet  qualis  sit  in  papatu  theologia,  quae  usque  eo  degeneravit  ab  isto  exemplari