5:356  sanctae  legis  ipsius  exigendam  esse  confitemur:  in  qua  omnis  iustitiae  perfectio  comprehensa  est.  Nec  aliam  bene  recteque  vivendi  regulam  quaerimus:  nec  admittimus  quaerenda  esse  alia  bona  opera,  quibus  illi  gratificemur,  quam  quae  illic  nobis  commendavit,  ut  habetur  Exod.  20,  2  ss.  Ego  sum  Dominus  Deus  tuus,  ete  DE  HOMINIS  NATURA.  Arbitramur  hominem,  si  in  natura  sua  consideretur,  tenebris  mentis  excaecatum,  cordis  perversitate  ac  corruptione  refertum,  ut  nequaquam  sit  per  se  idoneus  ad  Dei  cognitionem,  qualem  habere  decet,  obtinendam:  aut  studium  probae  ac  sanctae  vitae  consectandum.  Quin  potius,  si  a  Deo  sibi  relinquatur,  non  posse  nisi  ex  ignorantia  in  ignorantiam  ire  praecipitem,  atque  in  omnem  [pag.  54]  iniquitatem  proruere.  Quam  ob  rem  quo  veram  salutis  suae  notitiam  assequatur,  illuminatione  opus  habet:  et  quo  ad  iustitiae  studium  se  applicet,  prius  in  rectam  iustitiae  Dei  obedientiam  affectus  eius  reformari  necesse  est.  HOMO  IN  SE  DAMNATUS.  Quum  homo  ita,  ut  dictum  est,  lumine  ac  iustitia  Dei  penitus  sit  natura  vacuus,  nihil  in  se  ipso,  nisi  certam  iram  ac  maledictionem  Dei  exspectare  potest,  ideoque  salutis  suae  rationem  extra  se  ipsum  quaerere  debet.  SALUS  IN  CHRISTO.  Iesum  ergo  Christum  a  Patre  datum  nobis  fatemur,  in  quo  recipiamus  quidquid  nobis  apud  nos