49:356  primum  ut  ab  ambitioso  favore  ad  sinceram  iudicandi  regulam  Corinthios  revocet:  deinde  ut  sui  ministerii  fidem  stabiliat.  Quia  in  igne.  Qma  metaphorice  loquutus  erat  Paulus  de  doctrina:  ipsum  quoque  doctrinae  examen  nunc  metaphorice  ignem  appellat,  ut  membra  comparationis  opposita  inter  se  cohaereant.  Ignis  ergo  hic  est  spiritus  Domini,  qui  suo  examine  probat  quae  doctrina  sit  instar  auri,  et  quae  instar  stipulae.  Quo  propius  ad  hunc  ignem  admota  fuerit  Dei  doctrina,  eo  magis  clarescet:  contra,  quae  in  hominum  capite  nata  fuerit,  protinus  evanescet,  sicut  stipula  igne  devoratur.  Videtur  etiam  ad  diem,  cuius  meminit,  esse  allusio  :  ac  si  diceret,  non  modo  tunc  splendore  solis  patefactum  iri  quae  vana  ambitio  apud  Corinthios,  tanquam  obscura  nox,  tegebat,  sed  vim  simul  caloris  adfore,  non  modo  ad  excoquendas  et  purgandas  sordes,  sed  etiam  ad  omnia  vitia  exurenda.  Nam  ut  se  homines  acute  discernere  putent,  eorum  tamen  perspicientia  non  ultra  speciem  penetrat,  quae  ut  plurimum  nihil  habet  solidi.  Solus  est  dies  iste  ad  quem  provocat  apostolus,  qui  non  modo  claritate  sua,  sed  etiam  ignea  flamma  ad  vivum  omnia  examinat.  14.  Si  cuius  opus  maneat,  mercedem  accipiet.  Significat  vanos  esse1),  qui  ab  aestimatione  hominum  pendent,  ut  satis  habeant  ab  hominibus  probari  :  quia  tunc  operi  laus  et  merces  constabit,  si  diem  Domini  sustinuerit.  Ergo  ad  illum  diem  respicere  iubet  veros  ministros.2)  Manendi  enim  verbo  admones  quasi  instabiles  volitare  doctrinas,  imo  quasi  ampullas  ad  momentum  fulgere,  donec  ad  serium  examen  ventum  fuerit.  Hinc  sequitur,  pro  nihilo  ducendos  omnes  mundi  applausus,  quorum  vanitatem  paulo  post  coarguet  coeleste  iudicium.  15.  Si  cuius  opus  arserit.  Quasi  diceret:  nemo  sibi  blandiatur  propterea  quod  inter  egregios  architectos  hominum  opinione  censeatur.  Nam  simul  atque  illuxerit  dies,  disperire  oportet  totum  eius  laborem,  nisi  Domino  probatus  fuerit.  Haec  igitur  regula  est,  ad  quam  exigi  cuiusque  ministerium  convenit.  Quidam  hoc  de  doctrina  exponunt,  ut  CrcfxcoOa-  Om  nihil  aliud  sit  quam  perire:  quod  deinde  proxime  sequitur,  referunt  ad  fundamentum,  quia  Graece  frsfiiAtoc  est  masculini  generis.  Sed  non  satis  attendunt  ad  totum  contextum.  Paulus  enim  hoc  loco  non  suam,  sed  aliorum  doctrinam  examini  subiicit.  Ergo  intempestive  nunc  fundamenti  fieret  mentio.  Nuper  dixit,  igne  probatum  iri  cuiusque  opus  :  postea  ad  partitionem  descendit,  quae  ultra  generale  illud  dictum  extendi  non  debet.  Atqui  certum  est,  illic  Paulum  nonnisi  de  structura,  quae  fundamento  addita  erat,  loquutum  esse.  Iam  in  priore  membro  mercedem  1)  Vani  sunt  2)  De  mercede  vide  Institutiones  meas.