41:356  Palais,  quand  il  est  enseigne  par  le  Prophete,  quand  Dieu  luy  envoie  des  visions,  voila  Dieu  qui  se  revele  a  Nabuchodonosor,  II  luy  donne  ce  remede  icy  h  fin  de  prevenir  son  mal.  Et  ce  pendant  il  ni  proffite  rien,  Daniel  est  expositeur  de  ses  visions,  et  ce  pendant  il  ne  tient  compte  de  tout  cela.  Quand  donc  il  est  ainsi  endurcy,  il  faut  que  Dieu  le  dechasse  avec  les  bestes,  qu'il  le  change  du  tout  a  fin  de  dompter  cest  orgueil  et  presumption,  et  d'abatre  ceste  hautesse  qui  estoit  en  luy,  Quand  nous  voions  que  Dieu  a  besoigne  d'une  facon  si  estrange  envers  Nabuchodonozor,  sachons  (comme  iay  dit)  que  ce  n'est  pas  une  chose  qui  saprenne  aisement.  Et  quand  Dieu  nous  faict  la  grace,  que  sans  nous  envoier  avec  les  bestes  nous  connoissons  ce  qui  est  ici  dict,  c'est  a  scavoir,  qu'il  gouverne  et  haut  et  bas,  qu'il  ni  a  ni  grans  ne  petis,  qui  ne  soient  soubs  sa  main,  sachons  que  c'est  un  bien  inestimable  qu'il  nous  fait,  et  qu'il  ne  scaurroit  mieux  desploier  ses  graces  envers  nous.  Voila  comme  il  nous  faut  faire  nostre  proffit  des  iugemens  de  Dieu,  lesquels  il  exerce  iournellement  au  monde,  comme  il  faudra  qu'il  en  soit  traicte  demain  plus  amplement  au  plaisir  de  Dieu.  Suivant  cette  saincte  doctrine,  nous  nous  prosterneroDs  devant  la  face  de  nostre  bon  Dieu,  etc.  SERMON  IV  sur  le  Chap.  Y.  v.  22.30-  Daniel  monstre  ici  a  quel  propos  il  avoit  recite  ce  que  nous  traittames  hier,  touchant  le  Roy  Nabuchodonozor,  il  remonstre  a  Balsazar  l'ingratitude  qui  ha  este  en  luy,  de  ce  qu'il  n'a  point  profite  en  un  tel  exemple  qu'il  avoit  veu,  qu'il  avoit  conneu  un  si  horrible  iugement  de  Dieu,  en  sa  maison,  et  s'il  ni  ha  point  pense,  que  cette  ingratitude  la,  n'a  nulle  excuse.  Car  combien  que  Dieu  face  des  punitions  en  ceux  qui  ne  nous  touchent  en  rien,  selon  la  chair  qui  sont  bien  eslongnes  de  nous,  si  faut  il  neantmoins  que  nous  le  connoissions,  ce  qui  a  este  fait  il  y  ha  trois  mille  ans,  maintenant  doibt  il  estre  de  reietter?  n'en  devons  nous  point  prendre  doctrine  comme  aussi  nous  scavons  que  ce  n'est  point  en  vain,  qu'il  en  est  parle?  quand  Sodome  et  Gomorre  ont  este  abimes  de  la  foudre  du  Ciel,  quand  le  deluge  est  venu  au  monde,  que  Dieu  a  extermine  tous  les  peuples  qui  habitoient  en  la  terre  de  Chanaan,  et  qu'il  a  fait  tant  de  choses  admirables.  Pourquoy  est  ce  que  la  memoire  de  tout  cela  nous  est  laissee,  sinon  que  Dieu  veut  que  nous  y  profitions?  Or  maintenant  s'il  faut  que  nous  apprehendions  les  euvres  de  Dieu  qui  sont  si  loinctaines