32:356  moniam  adiungit  quae  cum  invocatione  Dei  coniuncta  est.  Quorsum  enim  attollunt  homines  manus  precando,  nisi  ut  animos  suos  ad  Deum  erigant?  Itaque  propheta  eorum  torporem  tacite  coarguit,  qui  in  templo  vel  resides  manebant,  vel  nugando  et  confabulando  corrumpebant  purum  Dei  cultum.  3.  {Benedicat  Ubi  Iehova)  Versus  hic  (meo  iudicio)  cogit  Psalmum  exponere  de  solis  sacerdotibus  et  levitis,  quorum  proprium  ex  legis  praescripto  erat  munus,  populo  benedicere  Numer.  6,  23.  Postquam  vero  hortatus  est  ipsos  propheta  ad  benedicendum  Deum,  nunc  secundas  partes  addit,  ut  populum  benedicant  in  nomine  Dei.  Neque  tamen  hoc  praeceperat  Deus  ut  alii  secure  viverent:  (sicuti  in  papatu,  modo  in  templis  cantillent  monachi,  tota  plebs  Deum  rite  coli  existimat)  sed  Deus  sacerdotes  aliis  praeire  voluit,  ut  quisque  privatim  domi  suae  imitaretur  quod  in  templo  fiebat.  Populo  autem  benedicere,  illis  praeceptum  fuit,  quatenus  Christi  personam  gerebant.  Porro  haec  duo  non  abs  re  distincte  ponuntur,  ut  Deus,  qui  coeli  efe  terrae  creator  est,  etiam  benedicat.  Creatoris  elogium  ponitur  notandae  potentiae  causa,  ut  nihil  non  a  Deo  sperare  audeant  fideles.  Quid  enim  aliud  mundus  est  quam  immensae  eius  virtutis  speculum?  ut  nimium  stupidi  sint  quibus  non  sufficit  eum  habere  propitium,  cuius  imperio  omnia  subesse,  et  in  cuius  manu  omnem  opulentiam  esse  cernunt.  Caeterum,  quia  audito  creatoris  nomine,  multi  de  accessu  diffiderent,  ac  si  procul  quaerendus  esset  Deus:  ideo  propheta  symbolum  propinquitatis  ante  oculos  statuit,  ut  familiariter  et  libere  ad  eum  accedere  audeant,  qui  non  minus  comiter  se  ab  eo  invitari  intelligunt,  quam  si  paternum  ipsis  gremium  porrigeret.  Ergo  ex  coelorum  intuitu  potentiam  Dei  agnoscunt:  in  domicilio  Sion,  paternum  amorem.  PSALMUS  CXXXT.  ARG.  Exhortatio  est  ad  canendas  Dei  laudes,  partim  quia  electum  populum  singulari  gratia  dignatus  fuerat  :  partim  quia  eius  potentia  et  gloria  appareat  in  toto  mundo.  Additur  etiam  antithesis  inter  idola,  quae  vanae  deitatis  figmenta  sunt,  et  Deum  Israelis  qui  certis  clarisque  testimoniis  verum  se  et  unicum  Deum  probavit:  ut  alacrius  ad  eum  laudandum  ferantur  pii,  eiusque  imperio  se  addicant.  Hdlleluiah.  1.  Laudate  nomen  Iehovae,  laudate  servi  Iehovae,  2.  Qui  statis  in  domo  Iehovae^  in  atriis  domus  Dei  nostri.  3.  Laudate  Deum,  quia  bonus  Iehova:  canite  nomini  eius,  quoniam  suave  est:*)  *)  C'est  chose  plaisante,  en  marge:  ou  bien  seante.