25:356  innuere.  Ergo  sub  ducibus  comprehenditur  tota  multitudo.  Caeterum  quod  rursus  Moses  meram  amaritudinem  spirat,  id  extorsit  perversa  gentis  natura.  Optasset  haud  dubie  suavem  et  iucundam  sui  memoriam  relinquere:  itaque  libenter  eos  ad  officium  esset  hortatus,  vel  blande,  vel  saltem  placide:  sed  coegit  eorum  pervicacia  indignationem  sermonis  asperitate  testari.  Adde  quod  non  iam  ex  coniecturis  iudicat  quid  facturi  sint,  sed  diserte  exprimit  se  certo  scire:  haud  dubie  quia  spiritus,  canticum  dictando,  simul  etiam  quid  facturi  essent  docuit.  Defectionem  eorum  notat  duobus  verbis,  nempe  Corrumpendi  et  declinandi  e  via.  Quia  autem  in  priore  defectiva  est  oratio,  quod  verbum  activum  sine  adiectione  ponitur,  quidam  subaudiunt:  Viam  Domini.  Ego  diversam  lectionem  sequutus  sum,  quae  rectior  visa  est,  passiva  est  enim  verbi  significatio  magis  quam  transitiva.  Modum  corruptionis  designat,  pronuncians  e  via  quam  didicerant  recessuros:  haec  enim  erat  integra  eorum  sanitas,  parere  Deo  et  quam  monstrabat  viam  sequi,  corrupti  ergo  sunt  legem  deserendo.  Ad  haec  oblique  exprobrat  illis  Moses  ingraditudinem  :  quia  apud  contemptores  piae  doctrinae  operam  perdiderit.  Canticum  ergo  vult  illis  recitari,  ut  miseriis  afflicti,  et  semiconsumpti,  sero  tandem  discant  Deum  esse  iustum  vindicem.  Profuit  autem  haec  cognitio,  ut  tandem  ad  sanam  mentem  redirent,  alioqui  non  prorsus  desperati:  reprobi  autem  magis  ac  magis  convincerentur.  Quid  sit  contestari  coelum  et  terram,  alibi  visum  est.  DEUTER.  CAP.  XXXII.  1.  Auscultate  coeli,  et  loquar,  et  audiat  terra  eloquia  oris  mei.  2.  Stillabit,  ut  pluvia  doctrina  mea  :  stillabit  ut  ros  eloquium  meum,  ut  pluviae  super  gramen,  et  ut  imber  super  herbam.  3.  Quia  nomen  Iehovae  invocabo:  date  magnitudinem  Deo  nostro.  4.  Dei  perfectum  est  opus:  omnes  enim  viae  eius  iudicium:  Deus  veritas,  et  non  est  iniquitas,  iustus  et  rectus  est.  5.  Corrupit  sese  Uli,  non  iiiii  eius,  macula  eorum,  generatio  prava  et  perversa,  6.  Iehovae  retribuitis  istud  popule  stulte  et  insipiens?  nonne  ipse  est  pater  tuus  qui  acquisivit  te,  ipse  fecit  te>  et  praeparavit  te?  7.  Memento  dierum  saeculi,  intellige  annos  generationis  et  generationis,  interroga  patrem  tuum,  annunciabit  tibi:  senes  tuos,  et  dicent  tibi.  8.  Quando  haereditates  distribuit  excelsus  gentibus,  quando  separavit  filios  hominum,  statuit  terminos  populorum  pro  numero  filiorum  Israelis.  9.  Pars  enim  Iehovae  populus  eius,  Iacob  sors  haereditatis  eius.