20:356  4129.  BEZA  BULLINGERO.  Eiusdem  argumenti.  (Ex  eodem  codice.)  De  literis  D.  Calvini  nostri  recte  censes  maximum  adhibendum  iudicium.  Scis  enim  dies  esse  malos,  et  bonus  ille  vir  multa  familiariter  amicis  scribebat  quae,  ut  sunt  ista  calumniis  obvia,  nihil  prodessent,  obessent  autem  plurimum.  Utinam  qui  D.  Blaureri  nostri  chartas  nacti  sunt  idem  et  in  illius  eiusdem  et  in  meis  ad  ipsum  literis  faciant.  Qua  de  re  puto  me  iam  ad  te  scripsisse  et  iterum  scribo.  Ego  quidem,  etsi  haec  vere  xn^ijha  libenter  et  pretiose  servare  consuevi,  tamen  experientia  edoctus  soleo  singulis  mensibus  evolvere  quae  ab  amicis  accepi,  et  eiusmodi  multa  veluti  veniam  ab  illis  absentibus  precatus,  igni  tradere,  iis  tantum  servatis  quae  interesse  puto  ut  serventur.  Idem  velim  de  meis  fieri.  Quod  ad  illa  attinet  quae  D.  Calvinus  reliquit,  tua  multa  reperio,  quae  si  voles  omnia  ad  te  mittam,  ea  lege  ut  remittas  quae  magni  interest  ecclesiae  ut  edantur,  ut  de  mutuo  nostrarum  ecclesiarum  consensu  etiam  his  familiaribus  testimoniis  posteris  constet.  Sin  mavis  meo  in  hac  re  iudicio  stare,  dabo  operam  favente  Deo  tum  in  tuis,  tum  in  aliorum  multorum  literis  ne  vel  syllaba  exeat  quae  cuiquam  fraudi  esse  possit  ')  Genevae  23.  Octobris  1565.  les  mette  un  iour  en  lumiere)  on  poura  encores  mieux  voir  quel  estoit  l'esprit,  dexterite,  iugement  singulier  et  graces  divines  et  admirables  qui  ont  este  en  ce  fidele  serviteur  de  Dieu.  4129  1)  Cui  Bullingerus  d.  d.  28.  Nov.  {Cod.  Genev.  120.  fol.  50):  De  literis  meis  scriptis  ad  D.  Calvinum  nostrum  ita  iudico:  mittendas  esse  illas  ad  me  omnes.  Seligam  quas  putavero  edendas.  Si  vero  ita  placuerit  omnes  una  remittam,  si  non,  edendas  eas  quas  ego  solegero.  In  colligendis  vero  illius  literis  adhuc  versor.  Scribam  et  ad  D.  Gervicum  Blaurerum,  Blanreri  nostri  filium,  vitodurum,  petamque  Calvini  ad  patrem  literas.