9:355  355  RESPONSIO  356  nobis  suscipi  mediatorem,  quatenus  Deum  nobis  suo  sacrificio  placavit.  Caeterum,  quod  nomen  deitatis  accipit1)  Stancarus,  ut  probet  tres  personas  fuisse  offensas  :  iterum  regero,  male  et  inscite  ab  eo  negligi  dispensationis  mysterium,  quod  scriptura  ubique  commendat.  Ac  mirum  est  eum  non  attendere  ad  manifesta  quae  citat  testimonia.  Quod  si  proprie  loquendo,  et  usitato  scripturae  more,  mediator  est  Christus  inter  nos  et  Deum  patrem,  arguta  illa  speculatio  nihil  aliud  quam  involvit  et  obscurat  quod  esset  alioqui  perspicuum.  Longe  etiam  fallitur  in  illo  Pauli  loco:  Unus  est  Deus  et  unus  mediator  Dei  et  hominum,  homo  Iesus  Christus  (1  Tim.  2,  5),  quia  non  alio  consilio  positum  est  hominis  nomen,  quam  ut  nobis  familiaris  esset  ad  patrem  accessus:  neque  tamen  negamus  sub  patre2)  comprehendi  totam  deitatem,  et  Deum  unius  essentiae  in  tribus  personis  fuisse  placatum.  Sed  profundo  illo  et  incomprehensibili  arcano3)  omisso  tantum  reputamus  illud  quod  didicimus  ex  scriptura  et  sacro  Christi  ore.  Neque  enim  haec  magis  inter  se  pugnant,  λὀγον  et  aeternum  Dei  filium  patri  esse  aequalem  et  mediatorem  esse  minorem  patre,  quam  altera  duo,  λόγον  per  se  et  seorsum  efficere  personam  in  divinis,  et  tamen  unam  Christi  et  mediatoris  personam  constitui  ex  duabus  naturis.  Ac  inscite  argumentatur  Stancarus  :  Si  Christus  in  duabus  naturis  mediator  est  minor  patre,  ergo  secundum  utramque  naturam  :  quando  paulo  antea  docuimus,  quod  vere  atque  apte  competit  in  totum  complexum,  non  debere  distrahi  ad  naturas,  sicut  medius  hic  gradus,  quem  tenet  Christus  redemptor,  nihil  derogat  prorsus  divinae  eius  essentiae.  Rationes  quas  adducit  ex  officio  mediatoris,  nihilo  plus  habent  momenti,  quia  ducuntur  a  parte  ad  totum.  Dedit  se  Christus  pretium  redemptionis:  reconciliavit  omnia  in  cruce  carnis  suae:  agnus  est,  qui  tollit  peccata  mundi:  datus  est  propitiator  per  fidem  in  sanguine  eius.  Nempe  etsi  haec  omnia  praestitit  secundum  humanam  naturam,  non  tamen  inde  conficitur,  eius  tantum  respectu  esse  mediatorem,  quia  expiatione  et  sacrificio  non  absolvit  Christus  omnes  officii  sui  numeros.  Quid  enim  est  mortem  vincere?  quid  est  resurgere  in  virtute  spiritus  et  vitam  recipere  a  se  ipso?  quid  est  nos  Deo  unire,  et  unum  esse  cum  Deo?  Haec  certe  extra  deitatem  non  reperientur  in  humana  Christi  natura.  Et  tamen  in  rationem  veniunt,  ubi  de  mediatoris  officio  agitur.  Atque  utinam  animadvertat  Stancarus  ad  verba,  quae  recitat,  Deum  non  pepercisse  unigenito  filio  (Ioann.  3,  16)4).  Neque  enim  si  in  utraque  natura  filius  est,  id  habet  a  sua  5)  hu-  1)  arripit  B.  T.  2.  2)  sub  patris  nomine  B.  T.  2.  3)  Add.  nunc  iidem.  4)  Imo  Hom.  8,  32.  5)  sola  B.  T.  2.