8:355  355  DE  AETERNA  DEI  356  agnoscet.  Hac  eadem  promissione  fretus,  alacriter  ad  opus  se  accinget,*)  quia  persuasus  erit,  non  fortuitam  se  operam  in  aere  iacere:  quae  in  Dei  verbum  recumbens,  arcano  eius  consilio  in  optimum  finem  dirigetur.  Denique,  sicut  providentia  Dei  rite  expensa  manus  nostras  non  ligat,2)  ita  invocationem  adeo  non  impedit,  ut  potius  stabiliat.  Si  quid  iam  acciderit,  simili  in  tempus  praeteritum  sobrietate  iudicia  nostra  temperari  convenit.  Nulla  ad  patientiam  aptior  exhortatio,  quam  dum  audimus,  nibil  fortuito  contigisse,  sed  quod  Domino  visum  est,  fuisse  impletum.  Interea  non  sequitur,  quin  rerum  adversarum  culpam  vel  ignavia  nostra,  vel  temeritas,  vel  incogitantia,  vel  aliud  vitium  merito  sustineat.  Quod  si  de  causis  eventuum  non  liqueat,  ut  saepe  videntur  quae  accidunt  praeter  rationem  accidere:  tamen  ne  sic  quidem  desinent  piae  mentes,  et  sapientiae  et  iustitiae  laudem  tribuere  Deo.  Verum,  ubi  interveniunt  hominum  consilia,  voluntates,  studia,  conatus,  plus  in  eo  est  difficultatis,  quomodo  illic  quoque  regnet  Dei  providentia:  non  modo  ne  quid  geratur  nisi  ex  eius  nutu,  sed  etiam  ne  quid  deliberando  agitent  homines,  nisi  quod  ipse  inspirat.  Edit  quidem  [pag.  180]  in  eo  quotidie  praeclara  suae  providentiae  documenta,  quum  stultis  hominum  consiliis  fraena  laxans,  imo  dissimulans  ad  eorum  apparatus,  eventu  tandem  eos  frustratur.  Sed  in  alio  genere  potentem  eius  manum  et  dominationem  celebrat  scriptura,  quum  impios  infatuat,  quum  vertigine  percutit,  quum  dementat  et  obstupefacit  eos:  similiter  quum  eorum  corda  effoeminat,  et  pavore  replet,  ut  ad  folii  cadentis  strepitum  concidant.  Parum  ergo  considerate  Pighius,  dum  in  istas  angustias  concludit  Deum,  ut  tanquam  vir  prudens,  3)  et  dux  rei  militaris  peritus,  hostium  suorum  consilia  praevidens,  in  contrarium  tempestivis  remediis  vertat.  Quasi  vero  non  utrumque  diserte  exprimatur:  Quod  deprehendat  sapientes  in  astutia  sua:  et  auferat  spiritum  principum,  ac  eorum  prudentiam  evanescere  faciat  (Iob  5,  13;  Psalm.  76,  13).  Nimis  crassa  etiam  inscitia  est,  dum  negat  Dei  voluntate  mori,  qui  consulto  ab  homine  occiditur:  quia  ubi  intercedit  hominis  voluntas,  Deus  agere  non  dicatur.4)  Quid  ergo  innumeris  scripturae  testimoniis  fiet,  quae  gladios  impiorum  Dei  manu  regi  testantur?  An  sine  hominum  consilio  occisi  sunt  filii  Heli?  (1.  Sam.  4,  ll).  Atqui,  adscribitur  elogium,  quod  voluerit  Dominus  occidere  ipsos.  Caeterum,  quin  perpetuo  gubernet  1)  mettre  les  mains  a  la  paste,  comme  l'on  dit.  2)  pour  nous  rendre  oisifs  ou  paresseux.  3)  Add.  qui  peut  faucher  l'herbe  sous  les  pieds  de  son  ennemi.  4)  Lib.  8  cap.  3.  Beza  emendavit:  iudicatur.