7:355  355  EPISTRE  356  estre  appellez  autheurs,  et  comme  desia  nous  avons  allegue  que  cela  est  du  nostre,  d'autant  que  la  racine  en  est  a  nous  et  en  nostre  nature,  non  point  celle  que  Dieu  a  creee,  mais  selon  qu'elle  est  vicieuse  par  corruption.  Quant  a  ce  qu'il  allegue,  que  par  ce  moyen  Dieu  ne  seroit  pas  Createur  de  tout,  la  solution  est  facile  entre  gens  qui  ne  sont  pas  du  tout  escervelez.  Car  la  malice  et  perversite  qui  est  tant  en  nous  qu'au  Diable  n'est  pas  une  chose  essentielle,  ou  une  substance  creee,  mais  seulement  une  corruption  de  l'oeuvre  de  Dieu,  et  un  defaut  de  ce  que  Dieu  avoit  mis  en  nous;  comme  toutes  les  convoitises  meschantes  ne  sont  qu'un  debordement  [page  214]  et  exces  desordonne  de  la  reigle  et  mesure  que  Dieu  appreuve.  Parquoy  nous  disons  que  lo  Diable  et  l'homme  ont  este  creez  bons,  toutesfois  muables,  et  que  par  le  conseil  admirable  de  Dieu,  et  par  sa  volonte  a  nous  incogneue,  toutesfois  iuste  et  equitable,  tous  les  deux  sont  tombez,  et  par  leur  cheute  ont  change  de  naturel,  et  sont  en  une  mesme  condamnation,  excepte  que  d'entre  les  hommes  les  esleuz  en  sont  relevez  par  la  grace  de  Iesus  Christ.  Voila  que  nous  enseigne  le  sainct  Esprit,  ce  que  ce  malheureux  tasche  renverser,  meslant  la  clarte  avec  les  tenebres.  Quant  a  ce  qu'il  allegue  que  Dieu  a  envoye  Satan  pour  seduire  Achab  (1  Rois  22,  15  ss.),  ie  le  confesse,  et  non  seulement  qu'il  l'a  permis,  mais  qu'il  l'a  ainsi  voulu  et  ordonne.  Mais  cependant  que  Satan  et  les  faux  Prophetes  ne  facent  mal  en  seduisant,  c'est  une  doctrine  Diabolique.  Voyez,  ie  vous  prie,  mes  freres,  et  relisez  diligemment  ce  que  i'en  ay  deduit  en  l'Institution,  et  vous  y  trouverez  pour  appaiser  voz  consciences,  pour  glorifier  Dieu  et  vous  humilier  en  recevant  confusion  en  vous  mesmes.  Au  reste,  de  ce  qu'il  presuppose  que  Michee  ait  seduit  pour  un  temps  et  se  soit  contrefait,  et  qu'obliquement  il  en  veut  [page  215]  autant  faire  accroire  de  sainct  Paul,  c'est  UDe  meschante  calomnie:  car  Michee  se  moquoit  d'Achab  qui  demandoit  estre  flatte,1)  comme  s'il  disoit:  Tune  m'as  point  appelle  pour  faire  office  de  Prophete,  f  annoncant  la  verite,  mais  pour  te  complaire:  va  donc,  puis  que  tu  te  veux  gouverner  a  ta  teste.  Et  le  Roy  infidele  entend  tresbien  l'ironie:  parquoy  ce  malheureux  fait  grand  tort  au  sainct  Prophete.  Autant  en  est  il  de  sainct  Paul:  car  il  ne  s'est  point  deguise  pour  faire  choses  illicites,  ou  pour  abuser  les  ignorans,  mais  s'est  accommode  a  leur  petitesse  en  tant  qu'il  luy  estoit  permis,  selon  la  liberte  qui  est  donnee  a  tous  Chrestiens  en  edification  (1  Cor.  9,  19  ss.).  1)  quod  assenUtorern  potius  quam  prophetam  habere  vellet.