6:355  RESPONSIO  CONTRA  PIGHIUM  tum  fuerit.  Loquatur  nunc  Augustinus.*)  Corrigens  quandam  sententiam,  quae  minus  considerate  dicta  fuerat:  Congruentius,  inquit,  hoc  modo,  definita  Dei  voluntate,  ut  ex  infidelitate  veneritis  ad  fidem,  accepta  voluntate  obediendi,  et  accepta  perseverantia  maneatis  in  fide.  Item:  Istam  gratiam  non  habuit  primus  homo,  qua  nunquam  vellet  esse  malus,  sed  habuit,  in  qua  si  permanere  vellet,  nunquam  malus  esset,  et  sine  qua,  etiam  cum  libero  [pag.  170]  arbitrio,  bonus  esse  non  posset,  sed  eam  tamen  per  liberum  arbitrium  deserere  posset.  Haec  est  prima  gratia,  quae  primo  Adam  data  est:  sed  haec  potentior  in  secundo  Adam:  qua  etiam  fit,  ut  velit,  tantumque  velit,  tantoque  ardore  diligat,  ut  carnis  voluntatem  contraria  concupiscentem  voluntate  spiritus  vincat.  Nec  illa  quidem  parva  erat,  qua  demonstrata  est  potentia  liberi  arbitrii:  quoniam  sic  adiuvabatur,  ut  sine  hoc  adiutorio  in  bono  non  maneret,  sed  hoc  adiutorium  si  vellet  desereret.  Haec  autem  tanto  maior  est,  ut  parum  sit  homini,  per  illam  reparare  perditam  libertatem;  parum  sit  denique  non  posse  sine  illa,  vel  apprehendere  bonum,  vel  permanere  in  bono,  si.velit,  nisi  etiam  efficiatur  ut  velit.  Nunc  autem  quibus  non  datur  tale  adiutorium  poena  est;  quibus  autem  datur,  secundum  gratiam  datur,  non  secundum  debitum,  et  tanto  amplius  datur,  quibus  dare  Deo  placuit,  ut  non  solum  adsit,  sine  quo  permanere  non  possumus,  etiam  si  velimus,  sed  tantum  ac  tale  sit,  ut  velimus.  Est  quippe  in  nobis  per  hanc  gratiam  in  bono  recipiendo  et  perseveranter  tenendo,  non  solum  posse  quod  volumus,  sed  etiam  velle  quod  possumus.  Et  plurima  in  eundem  sensum.  Item:2)  Si  nobis  libera  quaedam  ex  Deo  sit  voluntas,  quae  vel  bona  possit  esse,  vel  mala,  bona  autem  voluntas  ex  nobis  est,  melius  est  quod  habemus  a  nobis,  quam  quod  habemus  ex  Deo.  Id  ipsum  ad  perseverantiam  extendo:  ut  sicut  initium,  ita  et  bonorum  operum  complementum  ab  uno  Deo  pendeat.  Sic  autem  confirmari  virtute  Dei  hominem,  ne  deficiat,  ut  continuus  usque  ad  vitae  finem  sit  merae  et  indebitae  gratiae  tenor.  Neque  cooperari  ex  se  hominem  Deo,  ut  aliquid  de  suo  admisceat,  sed  pro  mensura  solum  quam  accepit:  ut  non  aliter  agat,  nisi  quoad  agitatur.  De  hoc  etiam  respondeat  Augustinus.  s)  Quomodo  non  est  gratiae  Dei,  non  solum  credendi  voluntas  ab  initio,  sed  usque  in  finem  perseverantia,  quum  finis  ipse  vitae  [pag.  171]  non  in  hominis,  sed  Dei  sit  potestate,  et  possit  utique  Deus  non  perseveraturo  hoc  etiam  conferre,  ne  malitia  mutet  cor  eius?  Item:4)  Donum  Dei  asseri-  1)  De  bono  persever,  ad  Hilar,  et  Prosper,  cap.  22.  De  corr.  et  giat.  cap.  l  l  .  2)  Lib.  2.  de  peccat,  merit,  et  remiss,  cap.  18.  3)  Epist.  107  ed  Vitalem.  4)  De  bono  persever,  ad  Prosper,  et  Hil.  in  princip.