54:355  355  SERMON  XXIX  356  son  pouvoir.  Quand  donc  nous  voyons  cela,  apprenons  que  nous  ne  devons  point  estre  tellement  adonnez  a  nous,  que  nous  ne  pensions  en  general  de  toute  l'Eglise.  Et  c'est  une  lecon  que  nous  avons  bon  mestier  de  recorder,  attendu  nostre  laschete  telle  qu'on  la  voit.  Oar  si  nous  sommes  bien,  nous  ne  pensons  gueres  a  nos  freres,  lesquels  sont  tourmentez.  Les  feux  seront  allumez  par  tout,  nous  orrons  ce  qu'on  machine  contre  les  enfans  de  Dieu,  nous  verrons  les  troubles  et  scandales,  nous  en  orrons  parler:  et  ne  faut  pas  que  ce  soit  de  trois  cents  lieues  loin,  mais  quasi  a  nos  portes.  En  sommes-nous  touchez  ?  Or  quand  il  n'y  a  autre  humanite  en  nous,  pensons-nous  que  Dieu  nous  advoue  pour  ses  enfans,  veu  que  nous  devrions  avoir  compassion  de  toute  l'Eglise,  et  que  nous  devrions  estre  participans  du  bien  et  du  mal?  Qu'un  chacun  donc  apprene,  a  l'exemple  de  sainct  Paul,  de  n'avoir  point  un  tel  regard  a  sa  personne,  qu'il  n'estende  sa  solicitude  a  toute  l'Eglise,  et  qu'il  ne  tasche  de  pourvoir  et  remedier  a  tout  le  mal  qu'il  y  voit  estre,  chacun  selon  son  degre  et  sa  mesure.  Il  est  vray  que  nous  n'aurons  pas  tous  le  moyen  qui  estoit  donne  a  sainct  Paul  :  mais  si  faut-il  qu'un  chacun  s'efforce  selon  sa  faculte,  de  subvenir  a  toute  l'Eglise  de  Dieu:  et  si  nous  ne  pouvons  mieux,  que  pour  le  moins  Dieu  soit  tesmoins  de  nostre  affection,  que  nous  le  requerons  pour  nos  povres  freres  qui  sont  tourmentez:  quand  il  nous  donne  loisir  et  repos,  que  cela  nous  incite  a  regarder  a  ceux  qui  sont  plus  pressez  que  nous.  Finalement  sainct  Paul  dit  a  Timothee,  Qiiii  apporte  en  venants  ou  la  rnanteline,  ou  Vestuy  des  livres,  avec  les  livres,  et  sur  tout  les  parchemins  qu'il  avoit  laissez  en  la  ville  de  Troade.  Or  ici  nous  voyons,  combien  que  sainct  Paul  fust  prochain  de  la  mort,  qu'il  ne  laisse  pas  neantmoins  de  tousiours  estre  escholier,  afin  qu'il  soit  mieux  dispose  a  enseigner  les  autres.  Quant  au  mot  de  Manteline,  aucuns  le  prenent  pour  une  espece  de  robe  qui  estoit  pour  la  pluye.  Or  si  on  le  prend  ainsi,  ce  sera  bien  un  signe  que  sainct  Paul  n'avoit  pas  toutes  les  commoditez  du  monde,  demandant  de  si  loin  un  manteau  pour  se  couvrir  en  prison.  Mais  pource  qu'il  adiouste  les  livres,  et  les  parchemins,  il  est  vraysemblable  que  ceci  se  prend  comme  pour  un  buffet,  ou  quelque  layette  a  serrer  les  livres.  Tant  y  a  que  nous  voyons  (comme  i'ay  desia  touche)  que  sainct  Paul  desire  tousiours  de  profiter,  encores  qu'il  se  voye  un  pied  quasi  au  sepulchre.  Or  notons  que  c'est  celuy  qui  avoit  este  ravi  iusques  au  troisieme  ciel,  qui  avoit  veu  les  secrets  incomprehensibles  aux  hommes,  et  lesquels  mesmes  il  n'ose  pas  exprimer.  Quand  nous  voyons  que  sainct  Paul  qui  a  eu  de  telles  revelations,  voire  par  dessus  tous  les  Apostres,  que  nous  voyons  qu'encores  il  estudie,