52:355  355  EPIST.  PAULI  AD  TIMOTHEUM  II  356  quibus  detinebatur  aliquid  de  sua  autoritate  minuerent,  duobus  argumentis  contra  pugnat.  Causam  enim  sibi  gloriosam  potius  quam  turpem  esse  ostendit:  quia  non  ob  maleficium  aliquod  vinctus  sit,  sed  quod  Deo  vocanti  sit  obsequutus.  Est  autem  incredibile  solatium,  quum  possumus  bonam  conscientiam  iniquis  hominum  iudiciis  opponere.  Secundo  a  spe  prosperi  eventus  argumentatur,  nihil  esse  in  suis  vinculis  pudendum.  Hoc  praesidio  quisquis  munitus  erit,  poterit  maximas  quasque  tentationes  superare.  Et  quum  se  pudefieri  negat,  alios  animat  suo  exemplo  ad  eandem  fortitudinem.  Novi  enim  cui  crediderim.  Hoc  unicum  est  asylum  quo  se  recipere  debent  omnes  pii,  quoties  eos  mundus  habet  pro  damnatis  et  desperatis:  ut  scilicet  satis  habeant  quod  Deo  probantur.  Quis  enim  finis  si  ab  hominibus  pendeant?  Atque  hinc  colligendum  est  quantum  ab  opinione  distet  fides:  quia  quum  dicit  Paulus,  novi  cui  crediderim,  significat  nequaquam  sufficere  si  credas,  nisi  Deum  habeas  autorem  :  atque  eius  rei  tibi  constet  certitudo.  Fides  ergo  neque  hominum  autoritate  nititur,  neque  ita  in  Deum  recumbit  ut  haesitet:  sed  cum  scientia  coniuncta  esse  debet.  Alioqui  parum  esset  firma  adversus  innumeros  Satanae  insultus.  Cui  autem  cum  Paulo  constat  haec  scientia,  is  experietur  non  frustra  vocari  fidem  nostram  victoriam,  qua  mundus  vincitur  :  nec  frustra  dictum  esse  a  Christo  (Matth.  16,  18),  Portae  inferorum  non  praevalebunt.  Is,  inquam,  inter  omnes  procellas  et  tempestates  tranquillus  quiescet,  cui  hoc  erit  constitutum,  Deum,  qui  mentiri  ac  fallere  nequit,  loquutum  esse,  ac  indubie  prae  staturum  quod  promisit.  Rursum  si  cui  non  erit  obsignata  haec  veritas,  instar  arundinis  huc  et  illuc  perpetuo  nutabit.  Proinde  hic  locus  observatione  dignus  est:  quia  optime  exprimit  vim  fidei,  quum  docet  eam  gloriam  nos  debere  Deo  tribuere  in  rebus  maxime  deploratis,  ut  non  dubitemus  ipsum  fore  veracem  ac  fidelem:  deinde  quum  docet  in  verbo  perinde  esse  ac  quiescendum,  ac  si  Deus  e  coelo  nobis  apparuisset.  Nam  quisquis  hac  persuasione  non  est  instructus,  nihil  tenet.  Semper  autem  meminerimus  Paulum  non  in  umbra  philosophari,  sed  quasi  in  re  praesenti  constitutum  serio  testari  quid  yaleat  aeternae  vitae  fiducia.  Persuasus  sum  quod  potens  sit.  Quoniam  periculorum  vis  et  magnitudo  nos  saepe  consternant,  yel  saltem  ad  diffidentiam  sollicitant  animos  nostros:  ideo  necesse  est  hoc  clypeo  nos  munitos  esse,  satis  in  Dei  virtute  nobis  esse  praesidii.  Quemadmodum  Christus  ubi  nos  securos  esse  iubet,  hoc  utitur  argumento,  Pater,  qui  vos  mihi  dedit,  maior  omnibus  est  (Iohan.  10,  29).  Quo  significat  nos  esse  extra  periculum,  quum  Dominus,  qui  nos  in  tutelam  suam  recepit,  ad  resistendum  abunde  sit  potens.  Non  audet  quidem  Satan  recta  hanc  cogitationem  in-