5:355  [pag.  52]  CONFESSIO  FIDEI,  IN  QUAM  IURARE  CIVES  OMNES  GENEVENSES  ET  QUI  SUB  CIVITATIS  EIUS  DITIONE  AGUNT,  IUSSI  SUNT:  EXSCRIPTA  E  CATECHISMO  QUO  UTITUR  ECCLESIA  GENEVENSIS.  1  Petr.  2,  2:  Veluti  nati  infantes  lac  rationale  et  sincerum  concupiscit^  1  Petr.  3,  15:Parati  estote  ad  reddendam  unicuique  eius  quae  %n  vobis  est  spei  rationem.  1  Petr.  4,  11:  Qui  loquitur  loquatur  ut  eloquia  Dei.  DE  VERBO  DOMINI.  Principio,  pro  fidei  et  religionis  nostrae  regula,  nos  unam  scripturam  sequi  velle  profitemur,  neque  illi  admisceri  quidquam  patimur  hominum  sensu,  citra  verbum  Dei,  excogitatum:  neque  aliam  in  spirituale  regimen,  doctrinam  amplectimur,  quam  quae  ab  eo  verbo  sumpta  fuerit:  ita  ut  nihil  addatur,  nec  detrahatur,  quemadmodum  docemur  Dei  interdicto.  DE  UNO  DEO.  Itaque,  ut  scripturae  doctrina  sumus  instituti,  Deum  unum  agnoscimus,  quem  omnes  nos  adorare,  cui  servire,  in  quo  totam  spem  et  fiduciam  nostram  reponere  conveniat:  cum  hac  certa  persuasione  omnem  in  illo  sapientiam,  virtutem,  iustitiam,  bonitatem  et  misericordiam  contineri:  atque  ut  spiritus  est,  ita  in  veritate  et  spiritu  colendum  credimus,  [pag.  53]  Proinde  abominationem  esse  ducimus,  si  quis  fiduciam  spemque  suam  in  creatura  reponat,  si  quem  alium  adoret,  vel  angelum,  vel  hominem;  si  quem  alium  pro  animae  suae  domino  recipiat,  sive  ex  sanctis  mortuis,  sive  ex  vivis  hominibus.  Praeterea  si  cultum  illi  debitum  in  caeremoniis  externis  et  carnalibus  observationibus  quis  constituat,  ac  si  talibus  nugis  Deus  oblectaretur:  si  statuam  aut  imaginem  repraesentandae  eius  divinitati  erigat,  aut  ulla  ratione  adorandam  proponat.  LEX  DEI  UNICA.  Quandoquidem  solus  ille  est  Dominus,  penes  quem  potestas  et  imperium  in  conscientias  nostras  esse  debet:  quando  eius  voluntas  unica  est  universae  iustitiae  regula,  vitam  nostram  ad  canonem