47:355  355  IN  EVANGELIUM  IOANNIS  356  10,  8),  sicuti  pulchre  Iesaias  (59,  21):  Hoc  foedus  meum,  inquit  Dominus:  spiritus  meus  quem  posui  super  te,  et  verba  mea  quae  posui  in  ore  tuo,  non  deficient,  ete.  Particula  ista,  ab  initio  fuistis  mecum,  ideo  addita  est,  ut  sciamus  plus  fidei  mereri  apostolos,  quia  oculati  fuerunt  eorum  testes  quae  annuntiant:  sicut  dicit  Ioannes  (1.  Io.  1,  1),  Quod  audivimus,  quod  vidimus,  quod  manus  nostrae  palparunt.  Ita  enim  modis  omnibus  consultum  nobis  esse  Dominus  voluit,  ne  quid  ad  solidam  evangelii  approbationem  deesset.  CAPUT  xvi.  1.  Haec  ioquutus  sum  vobis,  ut  ne  scandalizemini.  2.  Alienos  a  synagoga  facient  vos:  sed  venit  hora,  ut,  quisquis  vos  interfecerit,  arbitretur  se  cultum  praestare  Deo.  3.  Et  haec  facient  vobis,  quia  non  noverunt  patrem  neque  me.  4.  Sed  haec  loquutus  sum  vobis,  ut,  quum  venerit  hora,  eorum  reminiscamini,  quod  dixerim  vobis.  Haec  autem  vobis  ab  initio  non  dixi,  quia  vobiscum  eram.  5.  Et  nunc  vado  ad  eum,  qui  misit  me,  et  nemo  ex  vobis  interrogat  me,  Quo  vadis?  6.  Sed  quia  haec  loquutus  sum  vobis,  tristitia  implevit  cor  vestrum.  7.  Sed  ego  veritatem  dico  vobis:  expedit  vobis,  ut  ego  vadam:  si  enim  nm  abiero,  paracletus  non  veniet  ad  vos:  si  autem  abiero,  mittam  eum  ad  vos.  1.  Haec  loquutus  sum  vobis.  Rursus  commemorat,  nihil  eorum  quae  dixit  supervacuum  esse:  nam  quum  pugnae  et  certamina  eos  maneant,  legitimis  armis  ante  tempus  fuisse  instruendos.  Interea  vero  significat,  si  hanc  doctrinam  probe  meditatam  habeant,  ad  resistendum  pares  fore.  Caeterum,  quod  tunc  apostolis  dixit,  nobis  quoque  dictum  esse  meminerimus.  Ac  primo  tenendum  est,  Christum  non  mittere  in  arenam  suos  inermes,  ideoque  neminem  in  hac  militia  deficere  nisi  ignaviae  suae  culpa.  Nec  vero  exspectandum  est  dum  in  rem  praesentem  ventum  fuerit,  sed  potius  danda  opera,  ut  assuefacti  his  Christi  sermonibus  ac  familiariter  imbuti  pugnam,  quum  opus  erit,  capessamus.  Neque  enim  dubitandum  est  quin  victoria*  in  manu  sit,  quamdiu  istae  Christi  admonitiones  penitus  animis  nostris  infixae  erunt.  Nam  quum  dicit:  Ne  scandalizemini,  significat  minime  esse  periculum,  ne  quid  nos  a  recto  cursu  avertat.  Sed  hinc  apparet,  quam  pauci  rite  hanc  doctrinam  discant,  quod,  qui  sibi  videntur  eam  extra  teli  iactum  memoriter  tenere,  ubi  conserere  manus  oportet,  tanquam  eius  prorsus  ignari  et  rudes  deficiunt.  Sic  ergo  arma  haec  nobis  aptemus,  ne  unquam  effluant.  2.  Alienos  a  synagoga.  Erat  hoc  non  leve  scandalum  turbandis  eorum  animis,  quod  tanquam  sce-