32:355  355  PSALMUS  CXXXIV.  356  2.  Corinth.  13,  l  l  .  Philip.  4,  9:  Pacem  colite  inter  vos,  et  Deus  pacis  erit  vobiscum.  Studeamus  ergo  quantum  in  nobis  erit,  fraternae  concordiae  locum  dare,  ut  Dei  quoque  benedictio  apud  nos  resideat.  Extentis  etiam  brachiis  optemus  amplecti  qui  a  nobis  dissident,  si  modo  non  abnuant  in  fidei  unitatem  redire:  si  qui  calcitrent,  valere  sinamus:  quia  nobis  nulla,  ut  dictum  est,  nisi  cum  filiis  Dei  fraternitas.  PSALMUS  CXXXIV.  ARG.  Exhortatio  est  ad  laudandum  Deum  :  quae  tametsi  communis  est  piis  omnibus,  peculiariter  tamen  dirigitur  ad  sacerdotes  et  levitas.  Canticum  graduum.  1.  Ecce  benedicite  Iehovam  omnes  servi  Iehovae,  qui  statis  in  domo  Iehovae  jper  noctes.  2.  Tollite  manus  vestras  ad  sanctuarium,  et  benedicite  Iehovam,  3.  Benedicat  tibi  Iehova  e  Sion  qui  fecit  coelum  et  terram.\  1.  {Ecce  benedicite)  Putant  quidam  interpretes  una  cum  levitis  alios  quoque  Dei  cultores  comprehendi  :  et  certe  fateor  quosdam  e  populo,  qui  prae  aliis  zelo  fervebant,  in  templo  pernoctasse  (sicuti  de  Anna  vidua  legitur  Luc.  cap.  2,  37  quod  dies  et  noctes  fuerit  in  precibus  assidua)  sed  ex  fine  Psalmi  patet,  prophetam  non  alios  hortari  quam  sacerdotes:  quia  formulam  benedictionis  dictat  qua  precentur  pro  communi  salute,  quod  munus  solis  sacerdotibus  fuit  iniunctum.  Levitas  igitur  ab  officio,  cui  addicti  erant,  servos  Dei  vocari  interpretor,  ut  sane  eorum  maxime  erat  in  templo  pernoctare,  idque  per  vices,  sicuti  docet  sacra  historia  Lev.  8,  35.  Ideoque  adverbio  demonstrandi  quasi  in  rem  praesentem  eos  adducit,  quia  decebat  assiduo  templi  conspectu  magis  stimulari  ad  pietatis  exercitia.  Iam  vero  notandum  est  quo  consilio  propheta  tam  sedulo  eos  incitet  ad  laudandum  Deum.  Nam  ut  nihil  magis  proclive  est  quam  caeremoniis  abuti,  multi  ex  levitis  se  officio  defunctos  putassent,  si  modo  stetissent  otiosi  in  templo:  ita  neglectus  fuisset  praecipuus  finis.  Ostendit  ergo  propheta  totum  hoc  fore  ludicrum  et  nihili,  quod  nocturnas  excubias  agunt  levitae  pro  templi  custodia,  luminaria  accendunt,  sacrificiis  dant  operam:  nisi  se  exerceant  in  spirituali  Dei  cultu,  et  externos  omnes  ritus  ad  praecipuum  illud  sacrificium  referant,  ut  Dei  laudes  celebrentur.  Ac  si  diceret,  Videtur  hoc  vobis  laboriosum  esse,  quod  dum  alii  dormiunt  in  aedibus  suis,  vos  statis  in  templo  pervigiles.  Atqui  Deus  alium  praestantiorem  cultum  exigit,  ut  scilicet  laudes  eius  praecinatis  toti  populo.  Secundo  versu  caere-