9:354  gustini,  mediatorem  apud  filium  et  spiritum  sanctum,  intercedere,  ut  cum  Deo  redeamus  in  gratiam,  a  quo  sumus  alienati.  Nam  certe  unica  et  simplex  Dei  essentia  in  tribus  personis  consistit.  Sed  merito  apud  nos  pluris  est  ratio  loquendi,  quam  dictavit  coelestis  ille  magister.  Multis  quidem  locis  deitatem  suam  Christus  extollit,  nusquam  tamen  docet  se  a  secunda  persona  vel  tertia  fuisse  missum.  Nihilo  etiam  magis  se  apud  spiritum  intercedere,  sed  apud  patrem.  Itaque  nihil  tutius  est,  quam  profanis  argutiis  et  speculationibus  valere  iussis  mentes  nostras  defixas  tenere  in  illa  admirabili  dispensatione,  in  qua  dicitur  pater  filium  unigenitum  misisse,  ut  in  eo  nobis  esset  propitius,  et  eius  advocati  patrocinio  exorabilis.  Imo  quum  barbaries  grassata  est  in  toto  mundo,  vulgare  tamen  illud  dictum,  opera  trinitatis  esse  indivisa,  1)  quia  per  se  durius  erat,  interposita  restrictione  correctum  vel  mitigatum  fuit:  nempe  quum  addita  fuit  particula:  intrinsecus.  Nos  vero  ruditatis  nostrae  conscii  extrinseca  operatione  contenti  sumus,  qua  se  Deus  ad  exiguum  intelligentiae2)  modulum  attemperat.  Ita  sine  offensione  Christus  medius  Iocabitur  inter  nos  et  patrem.  Neque  tamen  quidquam  decedit3)  ex  immensa4)  eius  gloria,  tametsi  sub  velo  humanitatis  (obscurius  autem),  cernatur,  5)  donec  completo  mediatoris  cursu  patri  subiiciatur  Christus  in  natura  humana,  et  liquido  in  se  vel  immediate  refulgeat  divina  eius  essentia  et  maiestas.  Haec  sobrietas  si  non  arrideat  curiosis  hominibus,  sedandis  tamen  modestis  et  piis  mentibus  satis  superque  erit.  Nemo  quidem  quantumvis  protervus  rixator,  aliud  nobis  exprobrare  poterit,  quam  ob  mysterii  reverentiam,  quae  laudi  ducenda  est  potius  quam  vitio,  simplicitati  nos  studere.  Nunc  discutere  promptum  est,  quae  obtendit  Stancarus,  in  sententiae  suae  confirmationem.  Definitionem  sumi  posse  dicit  ex  loco  Pauli:  Mediator  unius  non  est,  Deus  autem  unus  est  (Gal.  3,  20).  Atqui  si  prudenter  expenderet  contextum,  videret  illic  conferri  gentes  cum  Iudaeis,  quod  scilicet  Christus  non  tantum  olim  Iudaeos  reconciliaverit  Deo,  sed  nunc  quoque  gentes  vocet  in  societatem  eiusdem  gratiae.  Expositio  enim,  quam  adducit,  frigida  est  atque  insipida,  sicut  nec  firmum  est  quod  adiungit,  non  opus  esse  mediatore  nisi  ubi  est  dissidium.  Ostendimus  enim  nuper  electos  angelos  Deo  per  Christum  uniri,  qui  tamen  nunquam  discordes  fuerunt.  Sed  quia  in  eo  non  vertitur  cardo  quaestionis,  fateor  Christum  nobis  proponi,  et  debere  a  1)  individua  B.  T.  2.  2)  Add.  nostrae  iidem.  3)  decedet  iidem.  4)  Add.  deitatis  iidem.  5)  obscurius  nunc  cernatur  iidem.  23