7:354  Il  allegue,  pour  prouver  que  tant  les  Diables  que  les  hommes  sont  malicieux  de  nature,  voire  quo  Dieu  y  a  mis  ceste  malice,  ce  qui  en  est  dit  en  Iob,  assavoir,  que  Dieu  trouvera  iniquite  en  ses  anges  (Iob.  4,  18).  En  ceste  allegation,  il  se  ioue  de  l'Escriture  selon  sa  coustume:  car  s'il  estoit  la  parle  des  Diables,  l'argument  ne  conviendroit  pas.  L'intention  du  sainct  Esprit  est  de  monstrer  aux  hommes  que  nul  d'eux  se  trouvera  iuste  devant  Dieu.  Pour  ce  faire,  il  dit  que  mesme  les  anges  ne  sont  pas  si  purs  ne  parfaitz  qu'il  n'y  trouvast  a  redire,  s'il  les  vouloit  iuger  a  la  rigueur.  Et  de  fait,  qu'est-ce  de  la  creature  au  pris  de  son  Createur?  Comme  il  est  aussi  la  dit  que  les  estoiles  ne  sont  pas  claires  devant  sa  face.  Ie  vous  prie,  dequoy  est-ce  que  cela  sert  a  ce  fantastique?  Et  puis,  quand  bon  luy  semble,  il  confesse  qu'il  y  a  des  Diables;  et  en  tournant  la  main  il  change  de  propos,  [page  212]  et  dit  que  le  serpent  duquel  parle  Moyse  n'estoit  point  le  Diable  (Gen.  3,  1).  Pour  prouver  que  Dieu  ne  laissera  point  de  nous  punir  combien  que  nous  n'ayons  fait  nul  mal,  il  allegue  que  le  figuier  fut  maudit,  iacoit  qu'il  ne  tint  qu'a  Dieu,  qu'il  n'avoit  point  apporte  de  fruit  (Matth.  21,  19;  Marc  l  l  ,  13).  Mais  le  sainct  Esprit  parle  bien  autrement  des  hommes,  comme  quand  il  dit  par  la  bouche  de  sainct  Paul,  que  chascun  recevra  son  loyer  selon  qu'il  aura  fait  en  ce  corps,  soit  bien  ou  mal  (2  Cor.  5,  10).  Ie  n'entend  pas  toutesfois  que  le  bien  que  nous  faisons  soit  de  nous.  S'il  replique  qu'il  y  a  une  pareille  raison  du  mal,  le  prophete  dit  bien  autrement,  prononcant  en  la  personne  de  Dieu:  Ta  perdition  est  de  toy,  Israel:  seulement  ton  aide  est  a  moy  (Os.  13,  9).  Pourtant  sainct  Paul,  en  un  autre  passage,  distingue  notamment  entre  les  deux,  disant  que  la  mort  est  le  loyer  de  peche:  que  la  vie  eternelle  est  un  don  gratuit  de  Dieu  (Rom.  6,  23).  Or,  ce  malheureux  confond  tout,  n'admettant  aucune  discretion,  et  ce  pendant  fait  de  grandes  fanfares  de  sentences  mal  entendues,  comme  quand  il  allegue  ce  que  dit  nostre  Seigneur  Iesus:  Le  pere  qui  habite  en  moy  est  celuy  qui  fait  les  oeuvres  (Iean  14,  10).  Or,  la  il  est  question  d'approuver  une  vertu  divine  en  ses  miracles.  Il  [page  213]  dit  donc  que  si  le  Pere  n'estoit  habitant  en  luy,  qu'il  ne  seroit  point  possible  qu'il  fit  les  miracles,  veu  que  ce  sont  oeuvres  plus  que  humaines.  Ce  resveur  tire  ce  passage  par  les  cheveux,  comme  on  dit,  pour  monstrer  que  Dieu  fait  tout.  Au  reste,  ie  ne  nie  pas  que  Dieu  ne  face  tout  par  sa  providence:  mais  i'adiouste  pour  declaration  ce  que  l'Escriture  enseigne:  c'est  qu'il  nous  conduit  par  son  sainct  Esprit,  afin  que  nous  facions  le  bien  qu'il  nous  donne  de  faire;  et  ainsi  qu'en  nostre  degre  inferieur  nous  faisons  ce  qu'il  fait  en  nous.  Quant  au  mal,  que  nous  en  devons  23