6:354  peccato  originali  obligatos:  illa  omni  vinculo  liberatos.  Item:  1)  Dicimus  opus  Dei  esse  homines,  in  quantum  homines  sunt:  sed  esse  sub  diabolo  in  quantum  sunt  peccatores.  Adeo  autem  totum  hominem  perversum  esse  testatur,  ut  quidquid  habere  bonorum  videtur  a  se  ipso,  cedat  illi  in  peccatum.  Gratuita  Dei  gratia  dico  hominem  praeveniri;  nullo  suo  merito  ad  eam  pervenire;  imo  ne  appetere  quidem  eam  posse,  donec  excitatum  in  corde  eius  hoc  desiderium  fuerit.  Dicat  Augustinus:  2)  Ostenditur  ergo,  Deum  gratia  sua  auferre  infidelibus  cor  lapideum,  et  praevenire  in  hominibus  bonarum  merita  voluntatum,  ita  ut  voluntas  per  antecedentem  gratiam  praeparetur:  non  ut  gratia  merito  voluntatis  antecedente  donetur.  Item:  Hic  est  praecipuus  quaestionis  cardo,  utrum  praecedat  haec  gratia,  an  subsequatur  hominis  voluntatem  :  vel,  ut  planius  eloquar,  utrum  ideo  nobis  detur,  quia  volumus;  an  per  ipsam  Deus  hoc  quoque  efficiat,  ut  velimus,  [pag.  169]  Item:  Quia  liberum  arbitrium  ad  Deum  diligendum  primi  peccati  magnitudine  perdidimus,  ut  in  Deum  credamus,  et  pie  vivamus,  non  est  volentis  neque  currentis:  non  quia  non  velle  debeamus  et  currere:  sed  quia  in  nobis  utrumque  efficit.  Item  :  3)  Ut  quid  Dominus  iussit  nos  pro  infidelibus  orare?  An  ut  eis  pro  bona  eorum  voluntate  gratia  retribuatur?  ac  non  potius  ut  ex  mala  in  bonam  mutetur  eorum  voluntas?  Dicit  enim:  Nemo  potest  ad  me  venire,  nisi  pater  meus  traxerit  eum.  Non  ait  illic,  duxerit:  ut  aliquo  modo  intelligamus  praecedere  illic  voluntatem.  Quis  trahitur,  si  iam  volebat?  Et  tamen  nemo  venit,  nisi  velit.  Trahitur  ergo  miris  modis,  ut  velit,  ab  illo,  qui  novit  intus  in  ipsis  hominum  cordibus  operari:  non  ut  nolentes  credant,  sed  ex  nolentibus  volentes  fiant.  Item  :  4)  Liberum  arbitrium  non  nisi  ad  peccandum  valet,  quamdiu  est  captivum.  Item:  Quomodo  hominis  bonum  propositum,  nisi  miserante  prius  Domino,  quum  ipsa  sit  bona  voluntas,  quae  praeparatur  a  Domino?  Item:  Ostendit  Deus,  nullis  hominum  bonis  meritis  provocari,  ut  eos  bonos  faciat:  sed  potius  eis  retribuere  bona  pro  malis  propter  se  ipsum  hoc  faciendo,  non  propter  illos.  Item  :  o)  Secundum  placitum  voluntatis  suae,  ne  placito  gloriemur  voluntatis  nostrae.  Non  optionem  tantum  homini  deferre  Deum  sentio,  ut  bene  et  volendi  et  agendi  facultatem  habeat  si  libuerit,  sed  cor  eius  efficaciter  moveri  ut  velit;  et  ipsum  totum  sic  dirigi  ut  faciat,  et  opere  compleat  quod  velle  illi  da-  1)  Lib.  ad  Bonifac.  1.  cap.  18.  conf.  Lib.  ad  Bonifac.  3.  cap.  5.  Lib.  4.  adv.  Iulianum.  2)  Epist.  107.  ad  Vitalem.  3)  Lib.  ad  Bonifac.  1.  cap.  19.  4)  Lib.  ad  Bonifac.  3.  cap.  8.  Libr.  4  cap  6.  Ibidem.  5)  De  praedest,  sanctor,  cap.  19.  23