54:354  Iesus  Christ,  et  sa  venue  sera  engravee  en  nos  coeurs,  nous  ne  serons  point  si  enveloppez  aux  choses  du  monde,  que  nous  ne  passions  tousiours  outre,  et  qu'un  chacun  ne  regarde  a  la  charge  qui  luy  est  commise  pour  s'en  acquitter,  et  au  chemin  qui  luy  est  propose,  afin  de  s'y  avancer,  ayans  tousiours  les  yeux  dressez  a  ceste  venue  de  nostre  Seigneur  Iesus  Christ  que  nous  attendons,  et  qui  nous  est  maintenant  cognue  par  foy.  Voila  donc  ce  que  nous  avons  a  retenir  quand  l'exemple  de  Demas  nous  est  propose.  Et  en  general  notons  (comme  i'ay  desia  touche)  que  tous  ceux  qui  sont  retenus  des  cupiditez  de  ce  monde,  pour  honneurs,  pour  richesses  ou  pour  plaisirs,  que  ceux-la  seront  mis  au  rang  de  ce  malheureux  qui  est  ici  degrade.  Et  ne  faut  pas  qu'ils  alleguent  pour  leur  replique  et  excuse,  qu'ils  n'ont  point  abandonne  Iesus  Christ.  Car  (comme  desia  nous  avons  declare)  sainct  Paul  n'accuse  point  Demas  d'avoir  este  ennemi  de  l'Evangile,  de  s'estre  du  tout  retranche  de  l'Eglise  :  mais  il  l'accuse  de  s'estre  retire  en  lieu  paisible,  d'avoir  fuy  les  coups,  de  n'avoir  point  soustenu  les  combats  qui  luy  estoyent  appareillez.  Quand  donc  un  homme  se  voudra  separer  du  troupeau,  ou  pour  son  aise,  ou  pour  ses  commoditez,  et  quand  il  verra  qu'il  y  aura  des  persecutions  apprestees  a  l'Eglise,  qu'il  se  retire,  il  est  du  rang  de  ceux  qui  ont  aime  le  monde.  Car  si  nous  scavons  que  c'est  d'aimer  Iesus  Christ,  il  est  certain  que  nous  serons  tout  disposez  a  recevoir  les  afflictions  communes  quand  nous  y  serons  appelez.  Or  cependant  nous  avons  a  noter  que  sainct  Paul,  quelque  necessite  qu'il  eust  de  la  presence  de  Timothee,  n'avoit  pas  neantmoins  tel  regard  a  soy,  que  cependant  il  ne  pourvoye  les  Eglises,  selon  qu'il  en  estoit  besoin.  Comme  nous  voyons  qu'il  envoye  Tite,  qui  estoit  avec  luy,  en  un  pays  lointain,  ascavoir  en  Dalmatie:  il  envoye  l'autre  en  Asie.  Voila  donc  comme  il  fait  passer  la  mer  a  ceux  qui  luy  pouvoyent  estre  fideles  compagnons,  et  qui  luy  pouvoyent  aussi  bien  servir:  toutesfois  il  se  veut  bien  priver  de  toutes  ces  aides-la,  voyant  la  necessite  urgente  de  l'Eglise.  Voila  pourquoy  i'ay  dit  qu'il  n'a  point  appele  Timothee  voulant  destituer  la  ville  d'Ephese  d'un  bon  Pasteur,  mais  pource  que  les  choses  y  estoyent  plus  paisibles,  que  Timothee  pouvoit  venir  a  Rome,  sans  qu'il  y  eust  la  nul  trouble  pour  son  absence:  ioint  aussi  qu'il  envoye  Tychique  en  son  lieu.  Voila  pourquoy  ii  le  desire  aupres  de  soy.  Mais  cependant,  combien  qu'il  soit  a  l'extremite,  si  est-ce  qu'il  ne  met  point  en  oubli  les  choses  qui  estoyent  bien  loin  de  luy.  Car  ii  ha  tousiours  la  solicitude  paternelle  de  toute  l'Eglise  de  Dieu,  que  si  en  quelque  anglet  du  monde  il  y  avoit  quelque  chose  a  redire,  il  ne  demandoit  sinon  d'y  envoyer  quant  et  quant  le  remede  selon  23