5:354  cet,  eorum  potestatem  Dei  ordinationem  esse.  Ipsos  autem  ministros  esse  Dei,  bene  agentibus  in  laudem,  malis  ad  iram  ultores  (Rom.  13,  4).  Quam  ob  rem  principum  ac  magistratuum  est,  cogitare,  cui  in  suo  munere  serviant,  nec  quidquam  indignum  Dei  minis*  tris  ac  vicariis  admittere.  Tota  autem  corum  prope  sollicitudo  in  hoc  incumbere  debet,  ut  publicam  religionis  formam  impollutam  conservent,  ut  populi  vitam  optimis  legibus  forment,  ut  suae  ditionis  bonum  ac  tranquillitatem  publice  privatimque  procurent.  Haec  autem  obtineri  nequeunt,  nisi  iustitia  et  iudicio,  quae  duo  illis  a  propheta  potissimum  commendantur  (Ier.  22,  2  ss.).  Iustitia1)  quidem  est,  innocentes  in  fidem  suscipere,  complecti,  tueri,  vindicare,  liberare  :  iudicium  autem,  impiorum  audaciae  obsistere,  vim  comprimere,  delicta  punire.  Subditorum  vicissim  partes  sunt,  praefectos  suos  non  modo  honorare  et  revereri:  sed  eorum  quoque  salutem  ac  prosperitatem  Domino  precibus  commendare,  eorum  imperio  sese  ultro  subiicere,  edictis  ac  constitutionibus  parere,  onera  quae  ab  illis  imponuntur  non  detrectare,  seu  vectigalia  sint,  seu  tributa,  seu  munera  civilia,  et  quidquid  est  eiusmodi.  Neque  vero  iis  solum  praefectis  obsequentes  nos  praebeamus  oportet,  qui  probe,  et  qua  debent  fide  imperium  administrant:  sed  eos  quoque  ferre  convenit,  qui  potestate  sua  insolenter  abutuntur,  donec  legitimo  ordine  simus  ab  eorum  iugo  liberati.  Nam  ut  bonus  princeps,  divinae  beneficentiae  documentum  est,  ad  [pag.  51]  salutem  hominum  conservandam:  ita  malus  et  improbus,  eius  flagellum  est,  ad  castiganda  populi  delicta.  Hoc  tamen  in  universum  habendum  est,  utrisque  datam  a  Deo  potestatem:  neque  illis  resisti  posse,  quin  Dei  ordinationi  resistamus.  At  vero2)  in  praefectorum  obedientia  unum  semper  excipiendum,  ne  ab  eius  obedientia  nos  deducat,  cuius  decretis  regum  omnium  iussa  cedere  par  est.  Dominus  ergo  rex  est  regum,  qui  ubi  os  aperuit,  unus  pro  omnibus  simul  ac  supra  omnes,  est  audiendus.  Iis  deinde,  qui  nobis  praesunt,  hominibus  subiecti  simus:  sed  non  nisi  in  ipso.  Adversus  ipsum  si  quid  imperent,  nullo  sit  nec  loco,  nec  numero:  sed  illa  potius  sententia  locum  habeat,  obediendum  Deo  magis  quam  hominibus.  1)  Instit,  p.  482.  2)  Ibid.  p.  513  seq.  FINIS.  Calvtm  opera.  Voi.  V.  23