49:354  bus  ita  fideliter  perfunctum  fuisse  apud  Corinthios,  ut  nihil  desiderari  possit  in  eius  ministerio:  proinde  quicunque  succedent,  non  aliter  posse  bona  fide  servire  Domino,  nec  audiendos  esse  pro  Christi  ministris,  nisi  illius  doctrinae  suam  coaptare  studeant  ,  ac  retineant  fundamentum  quod  posuit  Hinc  colligimus,  non  esse  fideles  operarios  ad  aedificandam  ecclesiam,  sed  potius  eius  dissipatores,  qui  dum  succedunt  veris  ministris  non  se  accommodare  student  eorum  '  doctrinae,  ac  persequi  quod  bene  inchoatum  est,  adeo  ut  prorsus  appareat,  nihil  eos  novi  operis  aggredi.  Quid  enim  perniciosius  quam  fideles  probe  institutos  in  pura  doctrina  turbare  novo  genere  docendi,  ut  fundamenti  incerti  vacillent?  Haec  porro  est  doctrina  fundamentalis,  quam  labefactari  nefas  est,  ut  Christum  discamus.  Christus  enim  unicum  est  ecclesiae  fundamentum:  at  multi  sunt,  qui  nomen  Christi  quum  obtendunt,  radicitus  evellunt  universam  Dei  veritatem.  Videndum  est  igitur  quomodo  rite  super  Christum  aedificetur  ecclesia  :  nempe  si  ipse  solus  statuitur  pro  iustitia,  redemptione,  sanctificatione,  sapientia,  satisfactione,  purgatione,  vita  denique  et  gloria:  aut,  si  brevius  malis,  si  talis  praedicatur,  ut  intelligatur  eius  officium  ac  virtus,  sicuti  habuimus  in  fine  primi  capitis.  Quod  si  Christus  utcunque  agnoscitur  et  vocatur  nomine  redemptor,  interim  alibi  quaeritur  iustitia,  sanctificatio  et  salus:  depellitur  a  fundamento,  et  adulterini  lapides  in  eius  locum  subrogantur:  quemadmodum  faciunt  papistae,  qui  omnibus  fere  ornamentis  ipsum  spoliant,  nudum  prope  nomen  illi  relinquentes.  Longe  ergo  absunt  tales  ut  in  Christo  sint  fundati.  Nam  quum  ideo  sit  fundamentum  ecclesiae  Christus,  quia  unica  est  causa  salutis  et  vitae  aeternae,  quia  in  eo  Deum  patrem  cognoscimus,  quia  in  ipso  habemus  bonorum  omnium  fontem:  nisi  talis  agnoscitur,  iam  fundamentum  esse  desinit.  Sed  quaeritur,  an  Christus  pars  sit  tantum,  aut  principium  doctrinae  salutaris  :  sicut  aedificii  tantum  pars  est  fundamentum.  Nam  si  ita  esset,  inchoarentur  tantum  fideles  in  Christo,  extra  eum  absolverentur  :  atqui  videtur  hoc  Paulus  innuere.  Respondeo,  non  esse  hunc  sensum  verborum  :  alioqui  pugnaret  ipse  secum,  dum  alibi  (Coloss.  2,  3)  dicit,  omnes  thesauros  sapientiae  et  scientiae  in  ipso  esse  absconditos.  Qui  ergo  Christum  didicit,  in  tota  coelesti  doctrina  iam  est  absolutus.  Sed  quum  ministerium  Pauli  spectasset  ad  fundandos  Corinthios,  magis  quam  ad  erigendum  inter  eos  summum  aedificii  culmen:  quid  egerit  duntaxat  hic  docet,  nempe  Christum  pure  fuisse  a  se  praedicatum.  Ideo  respectu  sui  fundamentum  vocat:  non  tamen  a  reliquo  aedificio  propterea  eum  excindit.  Denique  non  opponit  Paulus  Christi  notitiae  ullam  doctrinae  speciem,  sed  potius  relatio  est  inter  ipsum  et  reliquos  ministros.