47:354  Deo  nobis  donata  sunt  (1.  Cor.  2,  12).  Unus  ille  testis  potenter  discutit,  dissipat,  evertit  quidquid  ab  hoc  mundo  in  altum  attollitur  ad  obscurandam  aut  pessundandam  Dei  veritatem.  Quicunque  hoc  spiritu  praediti  erunt,  adeo  periculum  non  est  ut  propter  mundi  odia  vel  contemptum  animum  despondeant,  ut  unus  quilibet  eorum  futurus  sit  totius  mundi  victor.  Interea  cavendum  est  ne  ab  hominum  respectu  pendeamus.  Quamdiu  enim  ita  vagabitur  fides,  imo  simul  atque  ex  Dei  sanctuario  egressa  fuerit,  misere  fluctuari  necesse  est.  Ergo  ad  interius  et  arcanum  spiritus  testimonium  revocanda  est,  quod  sibi  e  coelo  datum  esse  norunt  fideles.  Testari  autem  dicitur  spiritus  de  Christo,  quia  fidem  nostram  in  eo  solo  retinet  ac  sistit,  ne  ullam  salutis  partem  alibi  quaeramus.  Vocat  rursus  paracletum,  ut  eius  patrocinio  freti  nunquam  trepidemus.  Voluit  enim  Christus  hoc  elogio  fidem  nostram  munire,  ne  ullis  tentationibus  succumbat.  Praesenti  etiam  circumstantiae  aptandum  est,  quod  vocat  spiritum  veritatis.  Subaudienda  est  enim  antithesis,  quod  extra  hunc  testem  varie  circumferantur  homines,  nec  usquam  solide  resideant,  ubicunque  autem  loquitur,  omni  dubitatione  et  fallaciae  metu  liberet  hominum  mentes.  Quod  dicit  se  a  patre  missurum  et  rursus  a  patre  procedere,  ad  augendum  autoritati8  pondus  facit.  Neque  enim  contra  tam  validos  insultus,  contra  tot  ac  tam  impetuosas  machinas  sufficeret  spiritus  testimonium,  nisi  persuasi  essemus  a  Deo  profectum  esse.  Christus  ergo  est  qui  spiritum  mittit,  sed  ex  coelesti  gloria,  ut  sciamus  non  humanum  esse  donum,  sed  certum  divinae  gratiae  pignus.  Unde  apparet  quam  frivola  fuerit  Graecorum  argutia,  quando  horum  verborum  praetextu  spiritum  a  filio  procedere  negarunt.  Patrem  enim  suo  more  Christus  hic  nominat,  ut  ad  divinitatis  suae  intuitum  attollat  nostros  oculos.  27.  Et  vos  testimonium  redditis.  Significat  Christus  non  fore  eiusmodi  spiritus  testimonium,  quod  privatim  sibi  habeant  apostoli,  et  quo  soli  fruantur,  sed  quod  latius  se  per  ipsos  diffundat,  quia  futuri  erant  spiritus  organa,  sicuti  loquutus  est  ipsorum  ore.  Videmus  nunc  quomodo  ex  auditu  sit  fides,  et  tamen  suam  certitudinem  habeat  a  sigillo  et  arrha  spiritus.  Quibus  non  satis  nota  est  humanae  mentis  caligo,  hi  fidem  naturaliter  ex  sola  praedicatione  concipi  existimant.  Contra  vero  plerisque  fanaticis  sordet  externa  praedicatio,  dum  magnifice  arcanas  revelationes  et  evitouatajjiooc  spirant  Atqui  videmus  ut  duo  haec  simul  Christus  coniungat.  Tametsi  igitur  nulla  est  fides,  donec  mentes  nostras  illustret  Dei  spiritus  et  corda  obsignet,  non  tamen  ex  nubibus  petendae  sunt  visiones  vel  oracula:  sed  verbum,  quod  prope  nos  est,  in  ore  nostro  et  corde  sensus  omnes  nostros  sibi  devinctos  et  in  se  defixos  habere  debet  (Deut.  30,  14.  Rom.  23