41:354  nous  ne  voulons  avoir  Dieu  pour  nostre  ennemi,  avisons  de  cheminer  en  humilite  et  grands  et  petis,  et  tant  que  nous  sommes.  Voila  ce  que  nous  avons  a��  noter  en  ce  passage.  Or  notamment,  Daniel  dit:  Que  le  coeur  de  Nabuchodonozor  a  este  endurci  en  fierte.  En  quoy  il  signifie  que  quant  les  hommes  ont  une  fois  oublie  Dieu,  qu'ils  ont  commence  de  se  mesconnoistre,  qu'il  y  viendra  une  obstination  quand  et  quand.  Craignons  donc  cela,  car  il  sera  impossible  si  tost  que  nous  aurons  delaisse  Dieu  que  le  Diable  ne  prenne  possession  de  nous,  qu'il  nous  transportera  tellement  que  nous  serons  comme  bestes  sauvages,  voire  comme  bestes  enragees,  ainsi  que  les  exemples  nous  sont  monstres,  en  tous  ceux  que  Dieu  a  delaisses  en  leur  naturel,  et  qu'ils  sont  ainsi  enfles  d'orgueil,  car  il  ni  a  vice  au  monde  par  lequel  les  hommes  soient  plus  esloingnes  de  Dieu  que  cest  orgueil.  Et  pourquoy?  d'autant  que  selon  que  les  hommes  s'eslevent,  il  faut  que  Dieu  se  recule  d'eux,  et  ils  approchent  d'autant  plus  des  enfers,  car  voila  le  vray  chemin  d'enfer  que  cette  hautesse  que  les  hommes  prennent  en  eux,  qu'ils  se  transportent,  et  s'eslevent  en  orgueil  et  presumption:  il  faut  necessairement  qu'ils  trebuchent  en  ruine  et  confusion.  Or  ce  pendant  Daniel  declare  ici  quelle  a  este  la  bonte  de  Dieu,  envers  le  Roy  Nabuchodonozor,  car  il  ne  Ia  point  dechasse  de  la  compagnie  des  hommes,  si  tost  qu'il  l'avoit  merite.  Combien  pensons  nous  que  Nabuchodonozor  ait  commis  d'actes  de  fierte  et  d'arrogance,  devant  que  Dieu  le  punisse  ainsi?  et  mesme  devant  qu'il  luy  envoie  ceste  vision,  de  laquelle  il  est  traicte  au  deusieme  chapitre?  Ceste  vision  la  luy  estoit  comme  un  remede,  que  Dieu  luy  envoioit,  Car  il  l'advertissoit  de  ce  qu'il  luy  devoit  avenir,  a  fin  qu'il  y  prouveust  par  repentance,  mais  il  ne  croit  rien  de  tout  cela,  et  puis  quand  ii  a  veu  ce  qui  luy  devoit  avenir,  qu'il  seroit  deschasse  avec  les  bestes  brutes,  encores  demeure  il  endurci.  Il  y  ha  donc  une  merveilleuse  bonte  de  Dieu  en  ce  qu'il  est  patient  envers  Nabuchodonozor.  Or  il  est  vray  que  Dieu  ne  tient  point  une  mesure  egale,  en  chastiant  les  hommes,  car  il  ni  est  point  aussi  oblige:  quelquesfois  il  punira  l'un  plustost,  l'autre  plus  tard.  Et  pourquoy?  Pource  que  par  ce  moien  il  se  declare  iuge,  que  toutes  les  punitions  que  Dieu  envoie  au  monde,  sont  comme  aiournemens,  comme  s'il  aiournoit  ceux  qui  ont  failli.  Voila  donc  pourquoy  il  ne  tient  point  maintenant  de  mesure  egale,  mais  ce  pendant  si  nous  faut  ii  connoistre,  que  iamais  Dieu  ne  nous  punit,  que  desia  il  n'ait  beaucoup  endure  de  nous,  qu'il  ne  nous  ait  donne  loisir  de  penser  a  nos  fautes,  et  retourner  a  luy  en  repentance.  Vray  est  que  les  punitions  nous  sembleront  quelquesfois  bien  soudaines  et  hatives,  et  comment  si  tost  que  l'homme  23