25:354  EX  EODEM  CAPITE.  23.  Dein  praecepit  Iosuae  filio  Nun,  ac  dixit:  Fortis  esto,  et  roborare,  quia  tu  introduces  filios  Israel  in  terram  de  qua  iuravi  eis:  et  ego  ero  tecum.  24.  Quum  autem  fecisset  finem  Moses  scribendi  verba  legis  istius  in  libro,  donec  ea  complerentur,  25.  Praecepit  Moses  Levitis  portantibus  arcam  foederis  Iehovae,  dicendo:  26.  Capite  librum  istum  legis,  et  ponite  eum  in  latere  arcae  foederis  Iehovae  Dei  vestri,  sitque  ibi  contra  te  in  testem.  27.  Ego  enim  novi  rebellionem  tuam,  et  cervicem  tuam  duram:  ecce,  adhuc  me  vivente  vobiscum  hodie  rebelles  estis  Iehovae,  et  quanto  magis  posteaquam  mortuus  fuero?  28.  Congregate  ad  me  omnes  seniores  tribuum  vestrarum,  et  praefectos  vestros,  ut  loquar  in  auribus  eorum  verba  ista,  et  contester  contra  eos  coelum  et  terram.  29.  Novi  enim  postquam  mortuus  fuero,  corrumpendo  corrumpetis  vos  j  et  recedetis  de  via  quam  praecepi  vobis,  unde  eveniet  vobis  malum  in  novissimis  dierum  j  quum  feceritis  malum  in  oculis  Iehovae,  irritando  eum  opere  manuum  vestrarum.  30.  Itaque  loquutus  est  Moses  in  auribus  totius  congregationis  verba  cantici  huius  donec  ea  complerentur.  23.  Dein  praecepit  Quo  difficilior  erat  provincia,  eo  magis  ad  strenuitatem  animandus  fuit  Iosue,  ne  deficeret:  qua  ratione  duplicatur  exhortatio,  quanquam  in  eius  persona  simul  omnes  confirmat.  Materiam  vero  sumit  a  Dei  promissione,  cuius  toties  facta  fuit  mentio.  Dicit  autem  Iosuam  electum  esse,  qui  absolvat  inchoatum  liberationis  opus:  quia  vix  credibile  erat,  non  modo  discipulum  fore  superiorem  magistro,  sed  in  gradum  honoris  attolli  mediocrem  hominem,  a  quo  deiectus  erat  summus  propheta,  et  praecipuus  Dei  minister,  nisi  id  factum  esset  coelesti  decreto  et  ordinatione.  Simul  tamen  de  vocationis  effectu  certiorem  eum  reddit,  promittens  Deum,  qui  autor  est  suscipiendae  expeditionis,  auxilio  fore,  nam  penes  ipsum  est,  opus,  cui  quemque  nostrum  destinavit,  perficere.  24.  Quum  finem  fecisset.  Verba  legis  intellige,  non  tantum  quae  hoc  libro  complexus  est,  sed  aliis  quoque  tribus.  Ac  tacita  est  antithesis  inter  duas  tabulas  manu  Dei  scriptas,  et  expositionem  quae  postea  fuit  addita,  ne  propter  nimiam  brevitatem  obscura  esset  Dei  voluntas.  Statim  quidem  a  principio  tradidit  Deus  quidquid  erat  utile  cognitu:  sed  quod  decem  verbis  restricte  comprehenderat  explicatius  enarrari  voluit:  neque  id  modo  sed  etiam  literis  mandari,  ne  intercideret.  Scitur  quam  proclive  sit  ad  vanitatem  hominis  ingenium,  imo  quam  libenter  in  errores  feratur  sua  levitate.  Accedunt  alia  quoque  vitia,  curiositas,  fingendique  audacia,  et  studium  novitatis.  Ita  mille  modis  corrupta  fuisset  religio,  nisi  regula  posteris  diligenter  scripta  23