7:353  353  CONTRE  UN  CORDELIER.  354  ne  face  tout.  Ie  respond  qu'il  le  fait  tellement,  que  les  creatures  ne  laissent  pas  de  faire  en  leur  degre,1)  et  qu'en  une  mesme  oeuvre,  quand  Dieu  fait  bien  selon  sa  bonte,  l'homme  fait  mal  selon  sa  malice.  En  somme,  il  pretend  a  ce  seul  but,  d'oster  discretion  du  bien  et  du  mal,  a  ce  qu'on  ne  face  plus  conscience  de  rien,  quand  on  attribuera  le  tout  a  Dieu.  Parquoy  il  dit  que  c'est  le  peche  de  Sodome  de  penser  faire2)  quelque  chose,  et  en  ce  faisant  il  transfigure  ceste  abomination  brutale  des  Sodomites  que  l'Escriture  condamne  si  aigrement,  et  la  fait  esvanouir  a  ce  que  bougrerie  ne  soit  pas  estimee  peche.  Ce  que  ie  croy  qu'il  ne  fait  pas  sans  cause:  car  ie  pense  bien  qu'il  a  practique  le  mestier  suyvant  le  privilege  de  son  ordre,  [page  210]  Et  maintenant,  selon  sa  philosophie,  il  se  resiouyst  a  y  penser  pource  que  c'est  une  oeuvre  de  Dieu:  car  il  n'a  pas  honte  de  dire  que  nous  sommes  cooperateurs  de  Dieu  a  mal  faire.  L'Escriture  dit  bien  que  les  meschants  sont  instrumens  de  son  ire  (Rom.  9,  22),  mais  c'est  un  blaspheme  execrable  de  leur  attribuer  ce  titre  de  cooperateurs,  qui  emporte  societe  et  coniunction.  Quand,  pour  reprouver  ce  que  nous  tenons  du  peche  originel,  il  allegue  que  nous  faisons  Adam  nostre  createur,  c'est  une  impudence  trop  sotte.  Car  si  un  enfant  engendre  d'un  pere  ladre3)  attire  la  corruption  de  luy,  ce  n'est  pas  a  dire  que  l'honneur  de  Dieu  soit  diminue  pourtant.  Nous  ne  disons  rien,  sinon  ce  que  David  tesmoigne,  c'est  que  nous  sommes  conceuz  en  iniquite  (Ps.  51,  7).  Mais  il  debat  qu'Adam  a  este  cree  tel  que  nous  sommes,4)  et  que  le  mal5)  ne  provient  point  de  luy.  Cela  est  contredire  a  sainct  Paul,  qui  enseigne  clairement  que  nous  sommes  tous  pecheurs  en  Adam  (Rom.  5,  18).  La  similitude  qu'il  allegue  de  iiieremie  (18,  6)  n'est  point  a  propos,  car  le  Prophete  ne  parle  la  nullement  ne  de  peche,  ne  de  la  creation  de  l'homme;  mais  pource  que  le  peuple  estoit  endurcy,  ne  craignant  point  les  menasses  de  Dieu,  le  Prophete  leur  declaire  qu'il  sera  aussi  aise  a  Dieu  de  les  destruire,  [page  211]  comme  a  un  potier  de  casser  un  pot  de  terre,  comme  c'estoit  luy  qui  les  avoit  faitz  telz  qu'ilz  estoyent.6)  Nous  ne  disons  pas  donc  qu'Adam  nous  ait  donne  une  nature  nouvelle,  mais  que  Dieu  par  son  iuste  iugement  nous  a  mauditz  en  luy,  et  a  voulu  que  nous  naissions  corrompuz  par  son  peche,  afin  deestre  restaurez  en  Iesus  Christ.  1)  suo  modo.  2)  male  agere.  3)  elephantiaci.  4)  quales  nunc  sumus.  5)  naturae  nostrae  vitium.  6)  nam  ab  ipso  in  eum  quem  obtinebant  statum  evecti  erant.  Calvini  opera.  Voi.  VII.