6:353  DE  LIBERO  ARBITRIO.  refragari:  nego  tantum  in  hoc  dari,  ut  imbecillitatem  nostram  subsidio  suo  adiuvet,  quasi  in  nobis  alias  quidquam  sit  situm:  sed  hoc  in  solidum  illius  opus  ac  beneficium  esse  confirmo,  ut  cor  nostrum  ex  lapideo  in  carneum  vertatur,  ut  voluntas  fiat  nova,  ut  nos  denique  corde  et  animo  reformati  velimus  quod  velle  oportet.  Neque  enim  efficere  Deum.  in  nobis  testatur  Paulus,  ut  possimus  bene  velle:  sed  hoc  quoque  ipsum,  ut  velimus,  ad  complementum  usque  operis.  Quantum  interest  inter  effectum  et  voluntatem?  Proinde  efficaciter  formari  voluntatem  nostram  constituo,  ut  spiritus  sancti  ductum  sequatur  necessario,  non  autem  incitari  duntaxat,  ut  valeat,  si  velit.  Quod  porro  de  uno  opere  dicimus,  id  ad  totam  vitam  extendi  debet.  Neque  enim  fuerit  satis,  si  cor  hominis  semel  direxerit  Deus,  nisi  perpetuo  similiter  retineat  et  in  perseverantia  confirmet.  Iam  in  perseverantia  duo  haec  observanda  esse  admoneo,  ne  hominem  imaginemur  Deo  cooperari,  propria  aliqua  virtute,  dum  spiritus  gubernationi  obsequitur  ;  ne  posteriorem  gratiam  loco  mercedis  illi  retribui  putemus,  quasi  priore  bene  utendo  hoc  promeritus  fuerit.  Neque  enim  aliud  posse  homines  concedo,  quam  quod  illis  datum  fuerit,  et  Deum  perpetuo  tenore  sic  persequi  in  illis  opus  suum,  ut  gratuitum  sit,  quidquid  illis  ad  finem  usque  confert:  nisi  forte  cum  Augustino  mercedem  vocare  libeat,  quia  sit  gratia  pro  gratia:  quia  suam  in  electos  beneficentiam  novis  subinde  donis  cumulet  Deus.  Hoc  totum,  si  quid  intelligo,  uno  verbo  complectitur  Paulus,  quum  Deum  unum  esse  docet,  qui  et  velle  operetur  in  nobis  et  perficere  pro  [pag.  168]  suo  beneplacito  (Phil.  2,  13).  Non  de  uno  die  loquitur:  sed  de  continuo  actionis  cursu,  cuius  unicam  causam  ponit,  Dei  beneplacitum,  hoc  est,  gratuitam  sine  ullius  meriti  respectu  benignitatem.  His  omnibus  quod  dicam  Augustinum  subscribere,  suaviter  me  subsannat  Pighius.  Verum  nihil  dico,  quod  non  prius  ante  lectorum  oculos  posuerim,  et  nullum  est  caput,  quod  non  prope  ad  verbum  saepius  apud  Augustinum  occurrat;  certe  nullum  est,  quod  non  luculento  eius  testimonio  confirmare  liceat.  Totam  hominis  naturam  vitiosam  esse  doceo.  Quid  Augustinus?  Noli,  inquit,  putare  te  aliquid  operari,  nisi  in  quantum  malus  es.])  Item  :2)  Sicut  spiritus  vitae  in  Christo  regenerat  fideles,  ita  corpus  mortis  in  Adam  genuerat  peccatores.  Haec  carnalis  est  generatio:  illa  spiritualis.  Haec  filios  carnis  facit:  illa  filios  spiritus.  Haec  filios  mortis:  illa  filios  resurrectionis.  Haec  filios  saeculi  :  illa  filios  Dei.  Illa  filios  misericordiae  :  haec  filios  irae.  Haec  1)  Lib.  3.  dc  peccat,  meritis  et  remissione  cap.  2.  2)  In  Psal.  142.  Calvini  opera,  Vol.  VI.