55:353  353  CAPUT  IV.  354  servemur  in  hac  vita  ut  fruamur  bonis  innumeris,  our  simus  in  spem  melioris  vitae  conditi,  cur  luce  et  intelligentia  praediti  simus:  non  alia  omnium  causa  adduci  poterit  quam  gratuitus  erga  nos  Dei  amor:  sed  praecipuum  specimen  hic  deligit  apostolus,  et  quod  reliquis  omnibus  longe  praecellit.  Hic  enim  non  immensus  tantum  fait  Dei  amor,  quod  proprio  filio  non  pepercit,  ut  eius  morte  nos  in  vitam  restitueret:  sed  plusquam  mirifica  bonitas,  quae  mentes  nostras  in  stuporem  rapere  debet.  Ergo  Christus  tam  illustre  est  ac  singulare  divini  erga  nos  amoris  documentum,  ut  quoties  ipsum  intuemur,  hanc  doctrinam  plane  nobis  confirmet,  quod  Deus  sit  dilectio.  Quod  unigenitum  appellat,  ad  auxesin  valet.  In  eo  enim  clarius  ostendit  quam  unice  nos  amaret,  quod  unicum  filium  exposuit  nostra  causa  in  mortem.  Interea  qui  unus  est  natura  filius,  gratia  et  adoptione  multos  facit:  quoscunque  scilicet  fide  inserit  in  corpus  suum.  Finem  exprimit,  cur  missus  a  patre  suerit  Christus,  ut  per  eum  vivamus.  Nam  extra  ipsum  sumus  omnes  mortui.  Adventu  autem  suo  vitam  nobis  attulit:  et  nisi  obstet  nostra  incredulitas,  hunc  gratiae  eius  effectum  in  nobis  sentimus.  10.  In  hoc  est  dilectio.  Amplificat  alia  ratione  Dei  amorem,  quod  scilicet  filium  suum  nobis  dederit,  quo  tempore  eramus  inimici:  quemadmodum  etiam  Paulus  docet  ad  Romanos  cap.  5,  8.  Sed  aliis  verbis  utitur,  quod  Deus  nullo  hominum  amore  provocatus  eos  ultro  dilexerit.  Quibus  verbis  docere  voluit,  gratuitum  erga  nos  fuisse  amorem  Dei.  Tametsi  autem  apostoli  consilium  est  Deum  nobis  imitandum  proponere:  non  tamen  negligenda  est  fidei  doctrina  quam  simul  admiscet.  Gratis  nos  Deus  amavit.  Cur?  quia  antequam  nati  essemus:  deinde  quia  in  ista  naturae  pravitate  cor  habemus  ab  eo  adversum,  et  ad  rectos  piosque  affectus  minime  flexibile.  Si  locum  haberet  papistarum  argutia  unumquenque  electum  esse  a  Deo  prout  amore  dignum  praevidit,  non  staret  haec  doctrina,  priorem  nos  dilexisse.  Tunc  enim  amor  erga  Deum  noster,  priores  ordine  teneret,  etiamsi  tempore  esset  posterior.  Sed  apostolus  confessum  scripturae  axioma  sumit,  quod  prophani  isti  sophistae  ignorant:  nos  ita  corruptos  et  pravos  nasci,  ut  nobis  quasi  ingenitum  sit  Dei  odium,  ut  nihil  appetamus  nisi  quod  illi  displicet,  ut  singuli  carnis  nostrae  affectus  assiduum  cum  eius  iustitia  bellum  gerant.  Et  misit  filium.  Ergo  ex  mera  Dei  bonitate,  tanquam  ex  fonte,  fluxit  nobis  Christus  cum  suis  omnibus  bonis.  Quemadmodum  autem  hoc  cognitu  necessarium  est,  nos  ideo  salutem  habere  in  Christo,  quia  sponte  nos  dilexit  coelestis  pater  :  ita  ubi  quaerenda  est  solida  et  plena  divini  in  nos  amoris  certitudo,  non  alio  quam  in  Christum  respicere  convenit.  Quare  in  suum  exitium  insaniunt  quicunque  Calvini  operer  Vol.  LV.