54:353  353  SUR  LA  SECONDE  A  TIMOTHEE.  354  amour  du  monde  dont  parle  sainct  Paul.  Qu'est-ce  done  que  l'amour  du  monde?  C'est  quand  nous  sommes  retenus  aux  choses  presentes,  tellement  que  cela  nous  refroidit,  que  nous  ne  pouvons  pas  aspirer  au  Royaume  celeste,  et  a  ceste  vie  a  laquelle  Dieu  nous  convie  et  exhorte.  Et  voila  pourquoy  sainct  Paul  dit,  le  monde  qui  est  maintenant.  Car  par  ce  mot  il  veut  taxer  ceux  qui  sont  tellement  esblouis  en  ces  choses  caduques,  qu'ils  ne  pensent  point  que  le  monde  doyve  estre  restaure.  Quand  nous  parlons  du  monde,  nous  ne  scavons  pas  mesmes  ce  que  nous  disons.  Car  l'estat  present  du  monde  est  semblable  a  une  femme  qui  est  en  travail,  comme  sainct  Paul  en  parle  au  8.  des  Romains.  Car  les  creatures  ne  sont  pas  en  leur  perfection:  a  cause  du  peche  d'Adam  tout  est  assuietti  a  miseres:  il  n'y  a  ne  soleil,  ne  lune,  qui  n'ait  quelque  tache  de  corruption  Haut  et  bas  donc  quand  nous  regardons  au  monde,  nous  voyons  qu'il  est  caduque,  et  qu'il  n'y  a  rien  de  certain:  car  il  faut  que  les  marques  de  nos  pechez  nous  soyent  mises  devant  les  yeux,  afin  de  nous  faire  tousiours  gemir.  En  somme  (dit  sainct  Paul)  toutes  les  creatures,  encores  qu'elles  n'ayent  point  de  sentiment,  sont  comme  des  femmes  qui  travaillent.  C'est  donc  pour  le  moins  que  nous  qui  sommes  enfans  de  Dieu,  qui  avons  receu  les  premices  de  son  Esprit  pour  aspirer  a  une  perfection,  tenions  compagnie  aux  creatures  insensibles,  que  nous  travaillans  avec  ces  creatures  mortes.  Pour  le  moins  (di-ie)  que  nous  ne  soyons  point  si  abbrutis,  que  nous  ne  cognoissions  que  maintenant  le  monde  n'est  pas  en  son  estat,  et  en  son  integrite.  Voila  donc  pourquoy  notamment  sainct  Paul  a  mis,  le  monde  qui  est  a  present  Comme  s'il  faisoit  une  comparaison  de  ce  monde  tel  qu'il  est  maintenant  avec  ceste  perfection  que  nous  y  verrons  a  la  venue  de  nostre  Seigneur  Iesus  Christ.  Puis  qu'ainsi  est  donc  que  nous  apprenions  de  tellement  aimer,  et  nostre  Dieu,  et  celuy  qu'il  nous  a  envoye  pour  Redempteur,  que  ce  monde  ne  nous  empesche  point  que  nous  n'aspirions  tousiours  aux  biens  spirituels.  Et  c'est  ce  que  sainct  Pierre  dit  en  sa  premiere  Canonique,  qne  les  fideles,  combien  qu'ils  n'ayent  point  veu  Iesus  Christ,  l'aiment,  et  sont  tellement  ravis  de  son  amour,  qu'ils  tressaillent  de  ioye.  Quand  vous  oyez  (dit-il)  que  Iesus  Christ,  apres  vous  avoir  rachetez  de  mort,  vous  a  recueillis  en  la  gloire  des  cieux,  vous  l'aimez,  voyans  qu'il  s'est  ainsi  expose  pour  vostre  salut,  voyans  qu'au  sacrifice  de  sa  mort  et  passion  vous  avez  este  reconciliez  a  Dieu  son  Pere  :  la  vous  cherchez  tout  vostre  bien,  et  cela  n'est  point  d'une  affection  froide  (dit-il),  mais  vous  tressaillez  de  ioye.  Si  nous  n'avons  cela,  c'est  signe  qu'il  n'y  a  gueres  de  foy  en  nous.  Et  ainsi  notons  bien  que  quand  l'amour  de  nostre  Seigneur  Calvini  opera.  Vol.  LIV.