52:353  353  CAPUT  L  354  bus  quae  praevidebat,  suisse  adductum,  non  longa  solutione  indiget.  Qualia  enim  futura  erant  opera,  si  essemus  a  Deo  praeteriti,  quum  omnium  bonorum  fons  et  initium  sit  ipsa  electio?  Donatio  haec  gratiae,  cuius  meminit,  nihil  aliud  est  quam  praedestinatio  qua  sumus  adoptati  in  Dei  filios.  Qua  de  re  admonitos  volui  lectores,  quia  saepe  Deus  gratiam  tunc  demum  nobis  dare  dicitur,  ubi  eius  effectum  percipimus.  Sed  hic  tractat  Paulus  quid  apud  se  statuerit  ab  initio.  Dedit  ergo  quod,  nullo  merito  provocatus,  nondum  natis  assignavit:  ac  in  thesauris  suis  habuit  repositum,  donec  re  ipsa  patefaceret  nihil  se  frustra  statuere.  Tempora  s  a  e  c  u  l  a  r  i  a  h  i  c  nominat,  sicuti  ad  Titum  capite  1,  perpetuam  annorum  seriem  a  mundo  condito.  Nam  illa  subtilior  disputatio,  quam  agitat  pluribus  locis  Augustinus,  aliena  est  a  mente  Pauli.  Sensus  ergo  est:  antequam  ab  omnibus  retro  sacculis  tempora  fluere  inciperent.  Porro  notandum  est  quod  salutis  fundamentum  in  Christo  constituit:  neque  enim  extra  ipsum  ulla  est  hominum  vel  adoptio,  vel  salus:  quemadmodum  etiam  ad  Ephesios  capite  1  dictum  est.  10.  Bevelata  autem  mine.  Observa  ut  apte  connectat  fidem,  quam  habemus  ex  evangelio,  cum  arcana  Dei  electione,  ac  suum  utrique  locum  assignet.  Nunc  Deus  per  evangelium  nos  vocavit:  non  quia  repentinum  ceperit  salutis  nostrae  consilium,  sed  quia  sic  ab  ultima  usque  aeternitate  statuerat.  Nunc  apparuit  Christus  in  salutem  nostram,  non  quia  nuper  in  eum  salvandi  virtus  collata  fuerit:  sed  quia  ante  creatum  mundum  haec  gratia  nobis  erat  in  eo  reposita.  Earum  rerum  cognitio  per  fidem  nobis  revelatur.  Atque  ita  prudenter  coniungit  apostolus  evangelium  cum  vetustissimis  promissionibus  Dei,  ne  ipsum  contemptibile  reddat  novitas.  Sed  quaeritur  an  patres  latuerit  sub  lege.  Nam  si  Christi  demum  adventu  fuit  revelata,  sequitur  ante  fuisse  absconditam.  Respondeo,  de  plena  exhibitione  rei  ipsius  Paulum  loqui,  a  qua  patrum  quoque  fides  pendebat:  ita  nihil  ipsis  derogatur.  Ideo  enim  Abel,  Noha,  Abraham,  Moses,  David,  et  pii  omnes  unam  nobiscum  salutem  adepti  sunt,  quia  fiduciam  locarunt  in  hac  apparitione.  Non  igitur,  dum  nobis  revelatam  esse  Christi  apparitione  gratiam  dicit,  patres  arcet  ab  eius  communione,  quos  eadem  fides  huius  apparitionis  nobiscum  participes  facit.  Christus  enim  heri  sicut  hodie:  sed  non  ante  praefixum  a  patre  tempus,  quum  morte  et  resurrectione  sua  nobis  se  exhibuit.  Atqui  huc  communiter,  tanquam  in  unicum  salutis  pignus  et  complementum,  tam  nostra  quam  patrum  respicit  fides.  Qui  mortem  quidem  abolevit.  Quum  evangelio  adscribit  vitae  illustrationem,  non  intelligit  a  verbo  faciendum  esse  exordium,  omissa  Christi  morte  et  resurrectione  (nam  verbum  potius  in  subiectam  materiam  recumbit),  sed  tantum  significat,  non  aliter  Calvini  opera.  Vol.  LII.