5:353  CATECHISMUS.  DE  EXCOMMUNICATIONE.  Excommunicatio  est,  qua  manifestari,  scortatores,  adulteri,  fures,  homicidae,  avari,  rapaces,  iniqui,  iurgatores,  comessatores,  ebriosi,  seditiosi,  decoctores,  postquam  admoniti  non  resipuerunt,  e  fidelium  consortio,  secundum  Domini  [pag.  49]  mandatum  eiiciantur.  Non  quod  in  perpetuam  ruinam  ac  desperationem  eos  ecclesia  coniiciat,  sed  eorum  vitam  ac  mores  damnat:  et  nisi  resipuerint,  eos  iam  suae  damnationis  certos  facit.  Est  autem  haec  disciplina  ideo  necesbaria  inter  fideles,  quod  ecclesia  corpus  Christi  quum  sit,  eiusmodi  foetidis  membris  pollui  et  contaminari  non  debet,  quae  in  capitis  dedecus  recidunt.  Deinde  ne  eiusmodi  improborum  consuetudine,  quod  evenire  solet,  sancti  corrumpantur.  Conducit  et  iis  ipsis,  suam  nequitiam  ita  castigari,  qui  alioqui  indulgentia  obstinatiores  fierent,  nunc  pudore  confusi  resipiscere  discunt  Quod  si  obtineatur:  eos  in  communionem  benigne  ecclesia  recipit,  ac  in  participationem  eius  unitatis,  a  qua  exterminati  fuerant.  Ne  quis  autem  ecclesiae  iudicium  contumaciter  spernat,  aut  parvi  aestimet,  se  fidelium  suffragiis  damnatum,  testatur  Dominus,  tale  fidelium  iudicium  non  aliud  esse,  quam  sententiae  suae  promulgationem,  ratumque  haberi  in  coelis,  quod  illi  in  terra  egerint.  Habent  enim  verbum  Dei,  quo  perversos  damnent;  habent  verbum,  quo  resipiscentes  in  gratiam  recipiant  (Matth.  18,  18).  DE  MAGISTRATU.  Magistratuum  functionem  non  modo  sibi  probari,  acceptamque  esse,  testatus  est  Dominus,  sed  honorificis  insuper  elogiis  eius  dignitatem  prosequutus,  mirifice  nobis  commendavit.  Nam  et  sapientiae  suae  opus  esse  affirmat,  quod  reges  regnant,  quod  consiliarii  iusta  decernunt,  quod  magnifici  terrae  sunt  iudices  (Prov.  8,  15):  et  alibi  deos  nuncupat  (Psal.  82,  6),  quoniam  negotium  suum-gerunt,  alio  etiam  loco  [pag.  50]  iudicium  pro  Deo,  non  pro  homine,  exercere  dicuntur  (Deut.  1,  17).  Et  Paulus1)  (Rom.  12,  1),  inter  Dei  dona,  praefecturas  nominat.  Ubi  vero  longiorem  de  iis  disputationem  instituit,  clarissime  do-  1)  Instit  p.  476.