49:353  353  CAPUT  III.  354  sicet.  l  l  .  Fundamentum  enim  aliud  nemo  potest  ponere  praeter  id,  quod  positum  est,  quod  est  Iesus  Christus.  12.  Si  quis  autem  superstruat  super  fundamentum  hoc  aurum  j  argentum,  lapides  pretiosos,  ligna,  foenum,  stipulam,  13.  cuiuscunque  opus  manifestum  fiet:  dies  enim  manifestabit,  quia  in  igne  revelabitur,  et  cuiuscunque  opus  quale  sit,  ignis  probabit:  14.  Si  cuius  opus  maneat  quod  superaedificaverit,  mercedem  accipiet:  15.  si  cuius  opus  arserit,  iacturam  faciet:  ipse  autem  salvus  fiet,  sic  tamen  tanquam  per  ignem.  10.  Ut  sapiens  architectus.  Aptissima  est  similitudo  ideoque  frequenter  in  scripturis  occurrit,  sicut  paulo  post  videbimus.  Hic  vero  magna  confidentia  et  securitate  fidem  suam  praedicat  apostolus:  ut  eam  asseri  necesse  erat,  non  modo  adversus  improborum  obtrectationes,  sed  etiam  Corinthiorum  fastum,  quibus  iam  sordere  coeperat  eius  doctrina.  Quo  igitur  magis  eum  deprimebant,  eo  altius  assurgit,  et  quasi  e  summo  suggestu  pronuntiat,  se  primum  fuisse  apud  eos  Dei  architectum  in  iaciendis  fundamentis,  sapienter  se  exsequutum  fuisse  has  partes:  restare  ut  alii  pergant  eodem  modo,  superficiem  ad  fundamenti  normam  exigentes.  Observemus,  haec  a  Paulo  dici,  primum  in  doctrinae  suae  commendationem,  quam  despici  a  Corinthiis  videbat  :  deinde  ad  reprimendam  aliorum  insolentiam,  qui  eminendi  cupiditate  novam  docendi  formam  appetebant.  Illos  ergo  admonet  ne  quid  temere  attentent  in  Dei  aedificio.  Ac  duo  quidem  illis  adimit:  ne  aliud  fundamentum  iacere  audeant,  et  ne  superficiem  superstruant  fundamento  minus  congruentem.  Secundum  gratiam.  Diligenter  semper  cavet  ne  quam  particulam  divinae  gloriae  ad  se  derivet.  Refert  enim  ad  Deum  omnia,  nec  sibi  quidquam  facit  reliqui,  nisi  quod  fuerit  organum.  Sic  autem  modeste  se  Deo  submittens,  oblique  perstringit  eorum  arrogantiam,  qui  pro  nihilo  ducebant,  modo  essent  ipsi  in  pretio,  Dei  gratiae  tenebras  obducere.  Subindicat  etiam,  in  illa  inani  pompa,  unde  aestimabantur,  nullam  fuisse  spiritus  gratiam  :  se  vero,  qui  divinitus  actus  fuerit,  a  contemptu  vendicat.  l  l  .  Fundamentum  aliud  nemo  potest.  Duo  sunt  membra  huius  sententiae,  Christum  esse  unicum  ecclesiae  fundamentum,  et  in  Christo  rite  fundatos  fuisse  Corinthios  praedicatione  Pauli.  Nam  opus  erat  ipsos  reduci  ad  solum  Christum,  quibus  novitatis  studio  pruriebant  aures.  Nec  parum  intererat,  Paulum  agnosci  primarium  et  fundamentale!��  (ut  ita  loquar)  architectum,  a  cuius  doctrina  non  poterant  discedere,  quin  Christum  ipsum  relinquerent.  Summa  est,  ecclesiam  nonnisi  in  solo  Christo  fundatam  esse  oportere:  Paulum  his  parti-