47:353  353  CAPUT  XV.  354  quia  non  minister  duntaxat  ut  reliqui,  sed  proprie  autor  fuerit.  Suo  enim  nomine,  suo  imperio,  sua  virtute  usus  est  ad  edenda  miracula.  Caeterum  ut  dixi,  in  genere  comprehendit  omnia  coelestis  et  spiritualis  potentiae  testimonia,  quibus  illustrata  fuit  eius  divinitas.  Viderunt  et  oderunt  Concludit  non  posse  tergiversando  effugere  hostes  suos,  quandoquidem  virtutem  spreverint,  quam  prorsus  divinam  esse  constabat:  suum  enim  numen  palam  Deus  protulerat  in  filio,  quare  frustra  dicturi  erant,  sibi  duntaxat  cum  homine  mortali  fuisse  negotium.  Locus  hic  admonet  ut  ad  consideranda  Dei  opera  attenti  simus,  in  quibus  dum  exserit  virtutem  suam,  debitum  sibi  honorem  haberi  vult  ac  deferri.  Unde  sequitur  ingratos  adversus  Deum  esse  et  malignos,  quicunque  eius  dona  obscurant  vel  contemptim  praetereunt.  25.  Sed  ut  compleatur.  Quod  praeter  naturam  est,  videtur  incredibile.  Atqui  nihil  minus  rationi  consentaneum  quam  Deum  odisse.  Ideo  dicit  Christus  tanta  malitia  infectos  esse  eorum  animos,  ut  gratis  oderint,  quo  ipsorum  scelus  amplificat.  Citat  autem  Christus  locum  ex  Psalm.  35,  19,  quem  dicit  nunc  compleri:  non  quod  iam  idem  prius  Davidi  non  accidisset,  sed  ut  obstinatam  gentis  malitiam  perstringat,  quae  per  continuas  aetatum  series  ab  atavis  ad  abnepotes  transmissa  sine  fine  regnabat:  ac  si  diceret,  nihilo  ipsos  meliores  esse  patribus,  qui  Davidi  sine  causa  infesti  fuerant.  Legis  nomine  Psalmos  designat,  quia  tota  prophetarum  doctrina  nihil  aliud  erat  quam  legis  appendix.  Et  scimus  Mosis  ministerium  ad  tempus  usque  Christi  durasse.  Ipsorum  porro  legem  vocat,  non  honoris  causa^  sed  ut  acrius  pungantur  familiari  elogio,  ac  si  diceret,  legem  habent  quasi  haereditario  iure  sibi  traditam,  in  qua  mores  suos  graphice  depictos  vident.  26.  Quum  autem  venerit.  Postquam  ostendit  Christus,  apostolis  non  minoris  debere  esse  evangelium,  quia  multos  habeat  adversarios  etiam  in  ecclesia  ipsa:  nunc  impio  illorum  furori  spiritus  testimonium  opponit,  quo  suffultae  eorum  conscientiae  nunquam  labascant:  ac  si  diceret:  Saeviet  quidem  mundus  contra  vos,  aliis  ludibrio  erit  vestra  doctrina,  alii  eam  exsecrabuntur,  sed  nulli  erunt  tam  violenti  motus,  qui  fidei  vestrae  firmitatem  labefactent,  ubi  spiritus  sanctus  vobis  datus  fuerit,  qui  suo  testimonio  vos  stabiliat.  Et  certe  hoc  unum  est  nostrum  praesidium,  quum  mundus  undique  tumultuatur,  quod  Dei  veritas  per  spiritum  sanctum  in  cordibus  nostris  obsignata  quidquid  in  mundo  est  infra  se  despicit.  Nam  si  obnoxia  esset  hominum  iudiciis,  centies  quotidie  fidem  nostram  obrui  contingeret.  Ergo  diligenter  notandum  est,  ubinam  inter  tot  varias  agitationes  consistere  nos  oporteat:  nempe  quia  non  spiritum  huius  mundi  accepimus,  sed  spiritum  qui  ex  Deo  est,  ut  sciamus  quae  a  Calvini  opera.  Vol.  XLVII.