41:353  353  SUR  LE  V.  CHAP.  DE  DANIEL.  354  il  nous  doit  souvenir  de  ce  qui  ha  este  traicte  ci  dessus,  c'est  ascavoir,  que  si  les  hommes  sont  esleves  en  dignite,  qu'ils  doivent  faire  le  guet,  car  il  n'y  ha  rien  plus  dangereux  aux  hommes,  que  d'estre  esleves  en  estat,  et  ce  pendant  suivre  leur  naturel.  L'homme  de  soy  mesme  (comme  i'ay  dit)  est  si  plein  d'orgueil  et  d'ambition,  qu'il  creve  de  cette  arrogance,  qu'il  cuide  tousiours  estre  merveilles,  encores  qu'il  ni  ait  nulle  occasion  de  s'eslever.  Et  que  sera  ��e  donc,  quand  il  sera  esleve  en  quelque  dignite  bien  haut?  Il  n'aura  plus  alors  ne  raison  ne  mesure  aucune,  et  voila  pourquoy  on  voit  maintenant  les  princes  et  les  grans  du  monde  ainsi  desbordes.  C'est  d'autant  qu'il  leur  semble  que  tout  leur  est  licite,  et  qu'il  ni  ha  plus  nulle  bride  pour  eux.  Or  si  est  ce  toutesfois  quand  ils  sont  ainsi  arrogans,  et  qu'ils  prennent  occasion  de  s'eslever,  mesmes  a  lencontre  de  Dieu,  que  leur  ingratitude  est  moins  a  excuser  :  car  quand  Dieu  les  esleve,  c'est  a  fin  qu'ils  le  connoissent  tant  mieux  pour  luy  rendre  l'honneur  qu'il  luy  appartient.  Nous  ne  voions  pas  si  bien  ce  qui  est  loin  de  nous,  comme  quand  nous  en  sommes  approches,  ceux  la  donc  que  Dieu  esleve,  devroient  connoistre  sa  maieste  plus  clairement,  que  ceux  qu'il  laisse  en  leur  basse  condition,  car  il  ni  ha  rien  qui  les  puisse  empescher.  Or  si  au  lieu  de  cela,  ils  abusent  de  la  puissance  que  Dieu  leur  a  donnee,  qu'ils  prennent  occasion  de  la,  de  s'en  orgueillir  de  tant  plus,  il  faudra  en  la  fin  qu'ils  experimentent  ce  qui  nous  est  ici  montre  du  Roy  Nabuchodonozor,  et  en  sa  personne  nous  avons  une  doctrine  qui  est  commune  a  nous  tous,  c'est  ascavoir  que  si  Dieu  nous  laisse  en  bas  estat,  c'est  pour  nostre  proffit.  Car  quand  nous  serions  esleves  bien  haut,  et  qu'il  nous  aviendroit  de  tomber,  nostre  cheutte  seroit  mortelle,  et  sela  seroit  cause  de  nostre  ruine.  C'est  donc  pour  nostre  salut,  qu'il  nous  entretient  en  nostre  petitesse.  Voila  quand  a  un  item,  que  ceux  qui  sont  esleves  en  quelque  dignite  par  dessus  les  autres,  ne  viennent  point  a  s'esgaier  et  a  se  desborder,  mais  qu'ils  connoissent,  que  c'est  alors  qu'ils  doivent  estre  plus  sur  leurs  gardes,  car  s'ils  sont  enfles  d'orgueil  et  de  presomption,  cela  est  pour  les  faire  venir  en  cette  confusion,  dont  il  est  parle  en  Esaie,  ou  il  monstre  que  tous  orgueilleux  sont  comme  une  paroy  qui  veut  tomber,  qui  fera  un  gros  ventre.  Il  est  vray  qu'on  pourra  dire,  voila  une  forte  paroy,  et  puis  elle  est  plus  eminente  que  les  autres:  Mais  ie  vous  prie,  si  une  muraille  iette  un  ventre,  que  sera  ce?  On  verra  la  ruine  tantost  :  Ainsi  en  est  il  de  ceux  qui  s'enflent,  comme  crapaux  a  l'encontre  de  Dieu.  Il  est  vray,  que  quand  ils  ietteront  leur  ventre,  il  leur  semble  que  Dieu  se  doive  reculer  d'eux  pour  leur  faire  place,  mais  c'est  une  muraille  qui  iette  un  ventre  et  qui  monstre  que  on  verra  tantost  la  ruine.  Si  donc  Calvini  opera.  Vol.  XLI.