32:353  353  PSALMUS  CXXXIII.  354  PSALMUS  CXXXIII.  ARG.  Gratulatio  est  de  sancta  populi  concordia,  ad  quam  mutuo  fovendam  fideles  omnes  incitat  propheta.  Canticum  graduum  Davidis.  1.  Ecce  quam  bonum  et  quam  decorum*)  habitare  fratres  etiam  simul.  2.  Sicut  oleum  pretiosum  super  caputy  quod  descendit  super  barbam,  barbam  Aaron,  quod  descendit  super  oram  vestimentorum  eius.  3.  Sicut  ros  Hermon,  qui  descendit  super  montes  Sion  :  quia  illic  mandavit  Iehova  benedictionem,  vitam  in  perpetuum.  1.  {Ecce  quam  bonum)  Non  dubito  quin  Davidis  consilium  fuerit  hoc  Psalmo  gratias  Deo  agere  pro  reconciliatione  totius  populi,  postquam  ex  longa  et  tristi  dissipatione  iterum  coaluit,  et  singulos  ad  pacis  alendae  studium  hortari  :  quia  in  eius  commendatione  prolixe  insistit,  saltem  quoad  ferebat  Psalmi  brevitas.  Non  abs  re  autem  magnificis  elogiis  Dei  gratiam  celebrat,  quod  populum  misere  laceratum,  in  corpus  unum  collegerit.  Postquam  enim  regnum  adeptus  est,  quia  diu  pro  publico  hoste  habitus  fuerat,  adhuc  maior  pars  ab  ipso  erat  alienior:  imo  scimus  capitali  dissidio  fuisse  Iudaeos  inter  se  divisos,  ut  nulla  spes  esset  concordiae  nisi  in  alterius  partis  interitu.  Fuit  ergo  mirabile  et  inexspectatum  Dei  opus  ad  concordiam  descendere,  et  se  mutuo  amplecti  qui  tam  acribus  odiis  certaverant.  Hanc  circumstantiam  male  praetereunt  interpretes,  ac  si  David  generaliter  et  absque  proprio  intuitu  consensum  laudaret  inter  Dei  cultores.  Ac  primo  quidem  adverbium  Ecce  valde  emphaticum  esse  existimo,  non  modo  quia  res  oculis  subiicitur,  sed  quia  subest  tacita  comparatio  belli  intestini,  quo  prope  ad  vastitatem  redacti  erant,  cum  laeta  et  optabili  pace.  Amplificat  ergo  Dei  gratiam,  quia  longa  experientia  Iudaeos  magis  doceat  quam  inaestimabile  bonum  sit  unitas,  quia  se  intestinis  discordiis  fere  perdiderint.  Quem  sensum  confirmat  particula  DJ,  quae  in  fine  versus  ponitur.  Depravant  enim  prophetae  sensum  interpretes  qui  eam  accipiunt  copulae  loco,  quum  ad  vehementiam  non  parum  faciat:  ac  si  dixisset,  Nos  qui  fratres  eramus  natura,  sic  fuimus  distracti,  ut  alii  aliis  magis  invisi  essent  quam  exteris  hostibus:  nunc  igitur  quam  bonum  est  fraternam  illam  unitatem  etiam  animis  colere.  Interea  non  dubium  est  quin  spiritus  sanctus  fraternum  consensum,  qui  vigere  debet  inter  omnes  Dei  filios,  suis  laudibus  extollat,  ut  huc  quisque  applicet  suum  studium.  Quod  si  nos  scindant  odia,  vel  simultates  distrahant,  Dei  quidem  respectu  manebimus  fratres:  sed  quia  frusta  erimus  *)  Chose  bienseante,  en  marge:  ou  plaisante.  Calvini  opera.  Vol  XXXII.