9:352  naturaliter.  Itaque  ad  implendas  mediatoris  partes  non  sufficeret,  nisi  esset  unigenitus  Dei  filius.  Ac  proinde  apostolus  ad  probandum  eius  sacerdotium  testimonio  hoc  utitur:  Tu  es  filius  meus,  ego  hodie  genui  te  (Hebr.  1,  5).  Unde  probe  conficitur,  si  inseparabilis  est  filii  dignitas  a  sacerdotio,  non  aliter  idoneum  esse  mediatorem,  nisi  quia  ex  Deo  genitus.  Nec  vero  absque  divinitatis  respectu  censeri  potest  Dei  filius.  Ideoque  in  sacerdotii  honore  comprehenditur  et  divina  natura.  Quod  ipsum  confirmat  Paulus,  ubi  dicit  fuisse  declaratum  filium  Dei  in  virtute  (Rom.  1,  4).  Nam  quum  elogio  illo  definiat  mediatoris  personam,  duas  certe  simul  naturas  comprehendit.  Iam  quod  asserit  alibi  (Ioann.  14,  ll)  Christus:  Ego  in  patre  et  pater  in  me,  non  potest  de  sola  natura  humana  praedicari.  Atqui  illic  ad  vivum  exprimitur  imago  mediatoris.  Imo  totum  Ioannis  evangelium  eiusmodi  est  sententiis  refertum,  ubi  quae  sibi  vendicat  Christus  alteri  naturae  non  conveniunt,  sed  respiciunt  in  totam  personam.  Ac  se  omnibus  nodis  expedietx)  quisquis  tenebit  Christi  mentem,  quia  videbit  nefas  esse,  quae  utrique  naturae  communia  sunt  elogia,  separatim  vel  distincte  ad  alteram  trahere.  Neque  tamen  interea  quaecunque  annexa  sunt  mediatoris  officio,  vel2)  eius  sunt  partes,  utrique  naturae  communia  facimus.  Quando  enim  sine  morte  et  sanguinis  effusione  non  peragitur  expiatio,  mediatorem  oportuit  mori.  Hoc  fatemur  peculiare  esse  humanitati:  sed  quoniam  aliud  est  mors,  aliud  effectus  mortis,  reconciliatio  quae  morte  peracta  est  perperam  tribuitur3)  soli  humanae  naturae.  Ideoque  dicit  apostolus  (Hebr.  9,  14),  Christum  per  spiritum  obtulisse  se  ipsum,4)  qua  voce  admonet  non  considerandum  esse  simpliciter  ut  hominem,  ut  efficacia  et  fructus  mortis  eius  nobis  pateat.  Similiter  iustitiam  nobis  acquirere  sua  obedientia,  et  ita  fieri  patris  servum,  mediatoris  proprium  fuit:  quod  tamen  perperam5)  ascriberetur  divinae  naturae,  sed  ipsa  iustitiae  acquisitio,  vim  suam  nihilominus  a  divina  natura  mutuatur.  Utrumque  vero  aperte6)  coniungitur  in  ipso  complexu,  quum  dicit  Christus,  pro  his  sanctifico  me  ipsum  (Ioann.  17,  19).  Nam  quum  sanctificari  carni  conveniat,  sanctificare  autem  Deo,  utrumque  membrum  non  nisi  in  tota  persona  reperitur.  Ex  opposito  etiam  fatemur  quaedam  sic  esse  divinitati  propria  in  ipso  mediatore,  ut  ad  humanam  naturam  transferri  non  debeant,  nisi  per  idiomatum  communicationem.  Dicit  1)  modis  facile  expediet  lonv.  Bern*  2)  ideoque  B.  T.  2.  3)  reconciliatioque  morte  peracta  perpetuo  tribuetur.  B.  T.  2.4  )  Christum  passum  esse  in  spiritu  iidem.  5)  perpetuo  iidem.  6)  apte  iidem.