41:352  punit  iustement  le  peuple.  Et  quand  les  Princes  luy  sont  comme  des  fleaux,  qu'ils  sont  comme  la  main  de  Dieu,  pour  chastier  les  peches  des  hommes?  et  ce  pendant  quant  il  nous  punist  ainsi  asprement,  toutesfois  qu'il  use  de  sa  grace  et  bonte  infinie.  Car  quelque  exces  qu'il  y  ait  aux  princes,  encores  la  bonte  de  Dieu  surmonte  en  ce  qu'il  ne  permet  point  que  les  polices  et  ordonnances  qu'il  ha  instituees  soient  du  tout  confuses.  Voila  quand  a  ce  passage.  Et  mesmes  Daniel  a  ici  voulu  monstrer,  que  Dieu  s'estoit  declare  en  une  puissance  admirable,  envers  Nabuchodonozor,  que  combien  qu'il  eust  attente  des  choses  grandes,  qu'il  en  est  venu  a  bout,  neantmoins  il  est  vray,  que  quand  il  a  envahi  les  pays  estranges,  qu'il  a  use  d'une  grande  cruaute.  Mais  quoy?  Dieu  vouloit  punir  le  pays  d'Egipte.  Et  au  paravant  le  pays  d'Assirie,  et  apres  le  pays  de  Sirie,  et  tous  les  voisins  du  pays  de  Iudee,  et  du  pays  d'Israel,  et  iusques  a  Ierusalem  qui  estoit  le  chef  du  Royaume  de  Iuda,  Dieu  donc  vouloit  punir  tout  cela.  Que  quand  Nabuchodonozor  est  ainsi  redoute,  non  seulement  de  ses  subiets  naturels,  mais  de  ceux  qui  luy  estoient  assuiettis  par  force,  en  cela  voit  on  combien  Dieu  l'avoit  esleve.  Voila  en  somme  ce  que  Daniel  a  voulu  dire.  Au  reste  nous  avons  a  recueillir  de  la,  que  quand  Dieu  declare  sa  vertu  en  quelques  uns,  ce  n'est  pas  a  dire  qu'il  approuve  tout  ce  qu'ils  feront.  Il  est  dit  que  les  Princes  sont  lieutenans  de  Dieu,  mais  ils  pourront  faire  beaucoup  d'actes  que  Dieu  condamne.  Ainsi  donc  il  ne  faut  point  que  nous  accusions  Dieu,  pour  approuver  les  hommes  en  ce  qu'ils  font.  Voila  David  lequel  n'avoit  point  este  constitue  Roy  d'une  facon  ordinaire,  mais  il  est  l'image  de  nostre  Seigneur  Iesus  Christ,  Dieu  luy  rend  tesmoignage  qu'il  la  trouve  homme  selon  son  coeur:  Cependant  nous  voions  qu'il  ha  commis  des  actes  qui  ne  sont  point  a  condamner  simplement,  mais  qui  estoient  si  enormes  qu'on  ha  horreur  d'i  penser,  et  non  seulement  il  ha  faili  au  gouvernement  de  son  Royaume,  mais  en  beaucoup  d'autres  choses,  comme  quand  il  ha  prins  plusieurs  femmes  ce  qui  estoit  expressement  deffendu  par  la  loy.  Ainsi  donc,  nous  voions  bien  que  Dieu  approuvera  le  gouvernement  d'un  homme  en  general,  et  ce  pendant  il  y  aura  beaucoup  d'actes  particuliers,  qui  ne  laisseront  pas  d'estre  a  condamner.  Quand  donc  Nabuchodonozor  a  eu  beaucoup  de  victoires,  que  Dieu  Ta  esleve  et  maintenu,  qu'il  a  fait  qu'il  a  este  redoubte  par  tout  le  monde,  ce  qu'il  a  este  destitue  de  son  estat,  c'est  d'autant  qu'il  s'est  esleve  en  orgueil  et  presumption,  qu'il  n'a  point  reconneu  celuy  qui  l'avoit  la  mis  pour  luy  en  faire  hommage.  Yoila  pourquoy  Dieu  la  laisse  avec  les  bestes,  et  qu'il  la  dechasse  de  la  compagnie  des  hommes.  Or