32:352  fractum  et  'contritum  germinare  Deus  fecisset?  Itaque  Iesaias  l  l  ,  1  non  abs  re  Christum  surculo  comparat,  qui  non  ex  arbore  procera,  sed  ex  trunco  nascitur.  Et  forte  ad  hoc  vaticinium  alludit  Zacharias  6,  12:  Ecce  vir,  Germen  nomen  eius,  quia  scilicet  post  horrendam  illam  vastitatem  non  aliter  restitui  potuit  regia  potestas.  Alio  sensu  loquitur  David,  2.  Samuelis  23,  5  ubi  continua  regni  incrementa  sub  hac  voce  commendat.  Nunc  autem  intelligit  propheta,  quamvis  interdum  vel  arescat  vel  frangatur  cornu  Davidis,  Deum  tamen  mirabiliter  facturum  ut  novus  vigor  succrescat.  Eodem  pertinet  metaphora  lucernae,  quae  frequenter  alioqui  occurrit  :  quia  celebre  in  populo  fuit  hoc  oraculum.  Sensus  autem  est,  quamvis  obscura  interdum  vel  fuligine  infecta  esset  regni  dignitas,  fieri  tamen  nunquam  potuisse  ut  ullae  clades  eam  penitus  exstinguerent,  quia  illic  semper  ardebat  Dei  lucerna,  cuius  lumen  etsi  eminus  non  erat  conspicuum,  fidelibus  tamen  certam  salutem  monstrabat.  Et  Hierosolymae  quidem  tunc  micabant  scintillae  ex  lucerna,  nunc  sol  iustitiae  Christus  pleno  fulgore  orbem  illustrat.  18.  (Inimicos  eius  induam  probro.)  Sicut  ante  iustitia  efc  salute  vestivit  sacerdotes,  ita  nunc  etiam  probrum  loco  vestis  induit  Davidis  hostibus.  Quia  enim  non  satis  esset  prospere  intus  agere,  nisi  Deus  ab  externa  vi  et  iniuria  nos  defenderet:  nunc  additur  haec  secunda  promissio  in  qua  etiam  clarius  saepe  nobis  relucet  Dei  favor,  quam  dum  omni  bonorum  genere  nos  in  pace  locupletat.  Quanto  enim  magis  nos  afficiunt  hostium  minae  et  terrores,  sensus  etiam  nostros  expergefaciunt  ut  apprehendant  Dei  auxilium,  monemur  tamen  hoc  loco,  nunquam  sic  in  terris  quietam  fore  ecclesiam  quin  subinde  infestetur  a  variis  hostibus,  quos  in  illius  perniciem  excitare  non  desinit  Satan.  Sed  bene  est  quod  audimus  ex  ore  Dei,  cum  probro  tandem  et  ignominia  retro  cessuros  ubi  frustra  omnia  machinati  fuerint.  Quod  sequitur  varie  torquent  interpretes,  nam  quia  verbum  f>��  i*1  coniugatione  hiphil,  adspicere  interdum  significat,  quidam  vertunt,  Conspicietur  in  eo  loco  diadema  Davidis,  ubi  germinabit  cornu.  Quidam  a  t*^  deducunt  quod  est  lamina  :  ac  si  dictum  esset,  'coronam  regis  aureis  laminis  splendidam  fore.  Sed  rectius  (meo  iudicio)  eodem  sensu  quo  nuper  loquutus  est  de  germine,  nunc  floridum  diadema  fore  pronuntiat.  Sicuti  ex  opposito  Iesaias  cap.  28,  1  coronam  temulentiae  Ephraim  comparat  flori  emarcido.  Ita  sensus  erit,  quamvis  diadema  posteris  Davidis  futurum  sit  saepe  caducum  in  speciem,  arcano  tamen  vigore  renovatum  iri,  ut  perpetuo  floreat.