20:352  praedicationem  gratiae  apostolicam.  Terum  quum  sit  mortuus,  habuit  ille  suum  iudicem.  Tu  vero,  mi  Lasid,  quum  ingenue  tuis  ad  me  literis  profitearis  nihil  te  habere  cum  dogmatis  eius  alienis  commune,  a  tua  ut  et  a  Tretii  communis  nostri  amici  amicitia  non  abhorreo,  ac  scire  te  volo,  si  ita  ut  profiteris,  et  ut  te  omnino  facturum  confido,  perrexeris  sana  sequi  dogmata,  me  habiturum  te  fratrem  et  amicum  sincerum.  Non  diffiteor  quaedam  Basilea  de  te  et  de  quibusdam  aliis  Polonis  scripta  esse,  sed  qualia  illa  fuerint  nunc  proferre  nihil  profuerit.  Tibi  tamen  hoc  apud  me  non  nocuit,  neque  seiunxit  me  a  te  et  caeteris  Polonis,  quos  intellexero  peregrina  et  curiosa  refugere  dogmata,  orthodoxa  autem  retinere  mordicus  vitamque  vivere  sanctam.  Vale,  mi  Laski,  et  saluta  amicos  et  fratres  meos  Polonos  qui  tecum  Genevae  sunt.  Tiguri  13.  Iulii  1564.  Bullingerus  tuus.