8:351  351  DE  AETERNA  DEI  352  tenmere  doceat.  Utrumque  membrum  breviter  exponam.  Qui  fortuitum  aliquid  imaginantur,  vel  industriae  suae,  consiliis,  opibus,  humanis  auxiliis  quidpiam  arrogant,  audacius  ad  tentanda  omnia  feruntur,  satagunt,  versant  se  in  omnes  partes,  nullum  non  movent  lapidem,  subinde  novi  aliquid  excogitant,  quasi  libero  spatio  soluti  vagantur:  *)  nulla  interim  Dei  invocatio,  nullus  metus.  Qui  vero  Dei  providentia  homines  eorumque  consilia  et  rerum  eventus  gubernari  agnoscet,  trepide  cum  Ieremia  (IO,  23)  dicet:  Scio  Domine,  non  esse  hominis  viam  eius,  neque  viri  ut  dirigat  gressus  suos:  item  illud  Solomonis  (Prov.  20,  24)  reputans:  A  Domino  sunt  gressus  viri,  et  quis  hominum  disponet  viam  suam?  [pag.  172]  totum  se  Domino  tradet,  atque  ab  eo  pendebit.  Ultro  sequentur  preces,  ut  Deus  nobis  quiescentibus  inchoet  ac  perficiat,  quidquid  aggredimur  operum.  Similiter  qui  fortunae  imperium  comminiscetur,  vel  diabolo,2)  impiis,  et  brutis  animalibus  fraena  laxabit,  quasi  praeter  Dei  nutum  et  moderationem  quidquam  possint  vel  agant:  misera  anxietate  semper  aestuabit,  vitam  suam  quasi  de  filo  pendentem  aspiciens  torquebitur,  pedem  vix  movere  audebit  quin  de  vita  sua  desperet:  3)  fideles  vero,  dum  sibi  manum  Dei  moderatricem  proponent,  curas  suas  non  dubitabunt  in  eum  coniicere.  Dum  certo  statuent,  diabolum  et  impios  omnes,  quantumvis  tumultuentur,  non  tantum  ligatos  Dei  compedibus  teneri,  sed  etiam  cogi  ad  praestanda  illi  obsequia,  quieti  per  vias  suas  pergent.  Nonnihil  etiam  lucis  addent  duae  aliae  distinctiones:  prior  est,  quod  tam  in  praeteritum  quam  futurum  tempus  consideranda  sit  Dei  providentia:  altera,  interdum  cum  suis  mediis,  interdum  sine  mediis,  interdum  contra  omnia  media,  summam  illi  potestatem  asserendam  esse,  ut  ordinet  constituatque  omnia.  Talis  praeteriti  temporis  sit  consideratio:  Si  quid  prospere  et  ex  voto  successit,  non  sacrificet  mortalis  homo  reti  suo,  quemadmodum  loquitur  Habacuc  (i,  16):  neque  suam  prudentiam,  virtutem  vel  fortunam  [pag.  173]  efferat:  neque  acceptum  ferat  hominibus  vel  creaturis  quod  Dei  proprium  est:  sed  Deum  sibi  persuadeat  eius  boni  primum  esse  autorem,  undecunque  provenerit.  In  rebus  autem  adversis,  in  hac  consolatione  acquiescat  :  Sicut  Domino  placuit,  ita  factum  est;  contra  Deum  tumultuando,  nec  quidquam  proficiam,  et  me  obstringam  impiae  contumaciae  reatu.  Tum  vero  anteactae  vitae  subeat  memoria,  ut  ex  poenis  sibi  inflictis  peccata  sua  agnoscat.  In  tempus  futurum  hoc  modo  reputanda  est  piis  mentibus  Dei  providentia,  ut  semper  ad  eius  promissiones  ac  mi-  1)  ils  s'esgaient  comme  un  cheval  sans  bride  en  une  grande  et  belle  campagne.  2)  Beza  et  Amst.  male:  ut  diabolo.  3)  Add.  brief  il  sera  comme  transi.