6:351  RESPONSIO  CONTRA  PIGHIUM  mus  malam  esse,  videri  forte  cum  illis  habere  id  commune  in  speciem  possemus.  Verum,  secundo  deinde  verbo,  tantum  inter  nos  esse  discriminis  palam  facimus,  ut  ne  minima  quidem  suspicio  haereat.  Nam  quum  illi  essentialem  in  natura  malitiam  constituant,  eamque  ab  ipso  creationis  initio  talem  exstitisse  imaginentur,  nostri  ex  naturae  corruptione  vitium  esse  definiunt:  naturam  vero  non  coelesti  aliquo  influxu,  sed  voluntario  hominis  lapsu  corruptam  fuisse,  constanter  profitentur:  ut  quum  quaeritur  mali  causa,  non  extra  nos  exire,  sed  nobis  totam  culpam  imputare  debeamus.  Hic  noster  est  cum  Valentino,  Marcione,  et  Manichaeis  consensus:  quantum  scilicet  inter  ignem  et  aquam  convenit.  Si  fidem  sibi  quis  fieri  petat,  primum  exstant  libri  nostri,  optimi  et  locupletissimi  testes:  deinde  nihil  hic  leges,  quod  non  ipse  Pighius  ex  mea  Institutione  recitet.  Neque  tamen  contentus  pares  nos  tam  absurdis  hominibus  feci&se,  maiori  exsecratione  dignos  esse  clamat:  quia  totam  naturam  damnemus.  Nempe,  quum  non  aliqua  sui  parte  homo  peccaverit,  sed  totus,  quid  mirum  si  se  totum  dicatur  perdidisse?  Sed  permultum  interest,  accersitone  sua  culpa  vitio,  sicut  tradimus,  an  aliunde  sibi  indito,  sicut  delirant  illi,  dicatur  laborare.  Quod  si  hominum  patrocinio  opus  est,  Augustinum  habemus  horum  omnium  [pag.  165]  autorem.  De  necessario  aut  fortuito  rerum  eventu,  nihil  in  praesentia  attingere  placet:  ne  res  diversas  implicando  orationis  seriem  conturbem.  Hominem  sic  quidem  docemus  agi  Dei  gratia,  ut  tamen  simul  agat:  sic  tamen  ipsum  agere,  ut  penes  Dei  spiritum  tota  sit  ac  maneat  actionis  efficacia.  Atque  ut  appareat,  quantam  ex  mentiendi  consuetudine  licentiam  audaciamque  sibi  acquisierit,  non  modo  sua  mendacia  aliquo  saltem  colore  obducere  nihil  curat,  sed  ne  cui  ignota  sint,  ex  mea  Institutione  refert,  quae  ea  in  promptu  arguant.  Neque  enim  in  creatione  vel  opere  Dei  constituimus  pravitatis  nostrae  originem,  sed  in  primi  parentis  nostri  culpa:  quod  voluntaria  defectione  miseram  serviendi  conditionem  sibi  contraxerit,  quum  liber  creatus  esset.  Hoc  autem  unum  est,  quo  a  Manichaeis  et  similibus  orthodoxos  discernere  contentus  est  Augustinus.  Vides  ergo,  ut  hic  furiosus,  postquam  verbo  nos  damnavit,  re  ipsa  protinus  absolvat.  Quod  autem  totum  nominem  sic  vitiatum  esse  dicimus,  ut  nulla  sui  parte  adspirare  per  se  ad  Deum  possit,  non  aliud  asserimus,  quam  quod  testatur  Deus:  quo  nemo  melior  de  homine  iudex  inveniri  queat,  quum  nullus  melius,  quid  sit  in  homine,  noverit.  Siquidem  totum  hominem  carnis  nomine  designari,  non  est  difficile  probare,  quantumlibet  repugnent  contentiosi.  Nam  quoties,  contraria  oppositione,  cum  spiritu  comparatur,  spiritus  nomen  procul  dubio  pro  regenerationis  gratia  capitur.